قىتايدا شەنەۋنىكتەردى قوعامدىق كولىككە وتىرعىزادى

استانا. قازاقپارات - مەتروعا، ۆەلوسيپەدكە نەمەسە جەكە كولىككە وتىرا ما - قىتايلىق شەنەۋنىكتەر جۇمىسقا جەتۋى ءۇشىن سولاردىڭ ءبىرىن ءوزى تاڭداۋى ءتيىس، دەپ جازادى «روسسيا گازەتا» .

 اسپاناستى ەلىندە قابىلدانعان زاڭ جوباسى بويىنشا مەملەكەتتىك قىزمەتكەرلەر قىزمەتتىك كولىكتى شۇعىل جاعدايدا عانا پايدالانا الادى.

اي سايىن شەنەۋنىككە كولىك شىعىنى ءۇشىن اقشالاي وتەم بەرىلەدى. ونىڭ كولەمى 500 دەن 1300 يۋانعا دەيىن شەنەۋنىكتىڭ رانگىسىنە قاراي وزگەرەدى. ازىرگە بۇل جاڭالىق ورتالىق ۇكىمەت قىزمەتكەرلەرىنە عانا قاتىستى.

«ارتىق» قىزمەتتىك ماشينالار اۋكتسيون ارقىلى ساتىلىپ، تۇسكەن اقشا مەملەكەت قازىناسىنا كەتەدى.

قىتايدا «قىزمەتتىك كولىك» رەفورماسى 1994 - جىلدان بەرى سوزىلىپ كەلدى. جاڭا زاڭ جوباسىن ساراپشىلار «بەتبۇرىستى» ءسات دەپ اتاۋدا، ول ۇزاققا سوزىلعان وزگەرىستەر تاريحىن تۇيىقتاۋى ءتيىس.