استانانىڭ اۋا رايى سالقىن بولعانىمەن، حالىقتىڭ ىقىلاسى ىستىق - كولۋمبيا دەلەگاتسياسىنىڭ جەتەكشىسى
«سوڭعى كۇندەرى بۇلتتى، جەلدى بولعان استانا اۋا-رايىنا قاتىستى كوپشىلىگى تابيعاتتىڭ قاتالدىعىن ايتىپ جاتىر. اسىرەسە، تروپيكالىق ەلدەن كەلگەن قوناقتار مۇنى بىردەن بايقادى، سونىڭ ىشىندە كولۋمبيالىقتار دا بار. ءبىراق، ءسىزدىڭ حالىقتىڭ قوناقجايلىلىعىنداي اسقان ىستىق ىقىلاستى كورگەنىمز جوق. ءسىزدىڭ حالىق اشىق جارقىن كوڭىلىمەن ەرەكشە ەكەن. ءبىز ءدان ريزامىز»، - دەدى كولۋمبيا دەلەگاتسياسىنىڭ جەتەكشىسى.
سونىمەن قاتار، ول استانانىڭ ساۋلەتتى عيماراتتارىنا تاڭدانىسىن جاسىرا المادى. «سىزدەر جاڭا قالا سالعانسىزدار، بۇل قۇرمەت تۇتۋعا لايىق»، - دەدى قوناق ءوز سوزىندە.
ەستەرىڭىزگە سالا كەتەيىك، 20- شىلدەدە بەيبىتشىلىك جانە كەلىسىم سارايىندا فيزيكادان وتكەن 45- حالىقارالىق وليمپيادانىڭ جابىلۋ سالتاناتى ءوتتى.
ءدۇبىرلى دودادا قازاقستان قۇراماسى 8- ورىنعا تۇراقتادى. قازاقستاندىق قاتىسۋشىلار 3 التىن (امير برالين، نۇريسلام تۇرسىنبەك، يسا دانات)، 2 كۇمىس (داۋلەت قۇرمانتايەۆ، نۇربەك دىنمۇحاممەد) ەنشىلەدى.
جالپىكوماندالىق ەسەپتە قىتاي، تايۆان، وڭتۇستىك كورەيا جۇلدەلى ورىنداردان كورىندى.
