ءاربىر ادام استاناعا ءبىر كەلىپ كەتكەنى ءجون - پولشالىق فيزيك
«بىرىنشىدەن، وليمپيادانى ۇيىمداستىرۋ دەڭگەيى وتە جوعارى بولعانىن اتاپ وتكىم كەلەدى. ەكىنشىدەن، سايىس قاتىسۋشىلاردىڭ تاپقىرلىعى مەن بىلىمىنە وتە جوعارى تالاپتارىمەن ەرەكشەلەندى» ، - دەدى ول.
وعان استانا توسىن سىي بولعان ءتارىزدى. «مەن بۇل جاققا كەلگەندە الەمنىڭ ەشبىر قالاسىنا ۇقسامايتىن وسىنداي تاماشا قالانى كورەم دەپ ويلاعان جوقپىن. ءوز باسىم ءاربىر ادامنىڭ استاناعا كەلىپ، ونىڭ جاستىق قۋاتىنان كۇش الىپ قايتقانى ءجون دەپ سانايمىن» ، - دەپ اتاپ ءوتتى يا. ياشاك.
پولشالىق قوناق قازاقستاننىڭ ستاليندىك رەپرەسسيا جىلدارىندا باستان كەشكەن زوبالاڭى تۋرالى بۇرىننان حاباردار ەكەندىگىن ايتتى. «مەن سىزدەردىڭ ەلدەرىڭىزدە كوپتەگەن ۇلتتاردىڭ تۇراتىنىن بىلەمىن. سولاردىڭ ىشىندە ءوزارا ىنتىماقتاستىقتا تۇرىپ جاتقان پولياك دياسپوراسى دا بار. مەن قازاقستاننىڭ بولاشاعى جارقىن بولاتىنىنا سەنىمدىمىن» ، - دەيدى جەتەكشى.
