اسلان ءسارىنجىپوۆ فيزيكا بويىنشا حالىقارالى وليمپيادادانىڭ ءساتتى اياقتالۋىمەن قۇتتىقتادى - فوتو
استانا. قازاقپارات - ەلورداداعى بەيبىتشىلىك پەن كەلىسىم سارايىندا فيزيكا بويىنشا 45 - حالىقارالىق وليمپيادادانىڭ (IРhO) سالتاناتتى جابىلۋى ءراسىمى ءوتىپ جاتىر. بۇل شاراعا الەمنىڭ 85 ەلىنەن كەلگەن دەلەگاتتار قاتىسۋدا.
قازاقستان نامىسىن قورعاعان مەكتەپ وقۋشىلارى 3 التىن مەن 2 كۇمىس جۇلدەگە قول جەتكىزدى.
بۇل تۋرالى بۇگىن ەلورداداعى اتالعان ءبىلىم بايگەسىنىڭ جەڭىمپازدارىن ماراپاتتاۋ الدىندا تىلشىلەرگە بەرگەن سۇحباتىندا IРhO - نى ۇيىمداستىرۋشى كوميتەتى مەن اكادەميالىق كوميتەتتىڭ مۇشەسى، فيزيكادان قازاقستان ۇلتتىق قۇراما كومانداسىنىڭ جاتتىقتىرۋشىسى ەرنۇر رىسماعامبەتوۆ ءمالىم ەتتى.
«قازاقستان عىلىم مەن تەحنيكانىڭ دامۋىنا ەرەكشە نازار اۋدارادى. الداعى تەحنيكالىق ورلەۋ تاربيەلى، جالىندى جاستارىمىز ارقىلى مۇمكىن بولاتىنىن ءبىز ايقىن ۇعىنامىز. سىزدەر وزدەرىڭىزدىڭ وليمپيادالىق جىگەرلەرىڭىزدى كورسەتىپ، بارلىق تاپسىرمالاردى ابىرويمەن ورىندادىڭىزدار. ءبىز تالاپتى ءارى ءبىلىمدى وقۋشىلارىمىزبەن ماقتان تۇتامىز. سوندىقتان دا سىزدەردى دايارلاعان وقىتۋشىلارعا، جاتتىقتىرۋشىلارعا جانە دەلەگاتسيالاردىڭ جەتەكشىلەرىنە العىسىمدى جەتكىزگىم كەلەدى. بالالاردى تاربيەلەپ، وقىتۋ - ۇلى ميسسيا» ، - دەدى ق ر ءبىلىم جانە عىلىم ءمينيسترى وليمپيادا جۇلدەگەرلەرىن ماراپاتتاۋ راسىمىندە.
سونىمەن قاتار مينيستر استاناداعى IРhO بارشا الەمنەن جينالعان قاتىسۋشىلاردىڭ ماڭگى ەسىندە قالاتىنىنا ءۇمىت ارتتى.
«استانا وليمپيادانىڭ ەستافەتاسىن نيۋ- دەليگە تاپسىرادى. وسى ورايدا بۇل ءبىلىم بايگەسىنىڭ ءساتتى اياقتالۋىمەن بارشالارىڭىزدى قۇتتىقتايمىن. الەمدىك قوعامداستىق تالاپتى وقۋشىلار وزدەرىنىڭ بىلىمدەرىمەن ءبىزدىڭ الەمدى جاقسارتا تۇسەتىنىنە سەنەدى. سىزدەر بۇدان كەيىنگى ۋاقىتتا دا ءوز ەلدەرىڭىزدى حالىقارالىق ارەنادا لايىقتى دەڭگەيدە كورسەتە الاسىزدار دەگەن سەنىمدەمىن. بارلىقتارىڭىزعا ساتتىلىك تىلەيمىن، سونداي- اق استاناداعى فيزيكا بويىنشا 45 - حالىقارالىق وليمپيادا ءارقاشاندا دا ەستەرىڭىزدە بولادى دەپ ۇمىتتەنەمىن» ، - دەپ ءتۇيدى ق ر ب ع م باسشىسى.
IРhO - دا قازاقستان 3 التىن مەن 2 كۇمىس جۇلدەنى يەلەنىپ، مىقتى ەلدەردىڭ وندىعىنا ەندى. كوماندالىق ەسەپتە قازاقستان 8-ورىندا تۇعىرلاندى.
