05:11, 21 - شىلدە 2014 | GMT +5
الەم چەمپيوناتىندا قازاقستاندىق پالۋان قولا جۇلدەگەر اتاندى
استانا. قازاقپارات - سلوۆاكيادا كۇرەس تۇرلەرىنەن كادەتتەر اراسىنداعى الەم چەمپيوناتىن ەركىن ستيلدەگى قازاقستاندىق پالۋان قۋاتبەك مۇحامبەت (58 كەلى) قولا جۇلدەنى ەنشىلەدى.
بۇل تۋرالى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ مالىمەتىندە حابارلاندى.
«قازاقستاندىق سپورتشىلاردىڭ اراسىندا ءبىرىنشى جارىس كۇنىندە قۇرمەت تۇعىرىنا قۋاتبەك مۇحامبەت جەتتى. ول «قولا» جۇلدە ءۇشىن قيىن باسەكەدە تۇركيا وكىلى ءالي كامانى جەڭدى»، - دەلىنگەن تاراتىلعان اقپاراتتا.
وسى ارقىلى قازاقستان قۇراماسىنىڭ قورجىنىندا بۇگىندە ءۇش مەدال بار. بۇدان بۇرىن حابارلانعانداي، الەم چەمپيونى رەتىندە ەرنار فيداحمەتوۆ (گرەك-ريم كۇرەسى) تانىلسا، يرينا كاپيتانوۆا (ايەلدەر كۇرەسى) كۇمىس جۇلدەنى يەلەندى.
اۆتور: رۋسلان عابباسوۆ
