قازاقستان بەيبىتشىلىك پەن دوستىقتىڭ ەنەرگياسىن تاراتىپ تۇر - كولۋمبيالىق فيزيك

استانا. قازاقپارات - قازاقستان بەيبىتشىلىكتىڭ، كەلىسىمنىڭ جانە دوستىقتىڭ ەنەرگياسىن تاراتىپ تۇر.

بۇل جايىندا قازاقپارات تىلشىسىنە بەرگەن سۇحباتىندا فيزيكا بويىنشا 45- حالىقارالىق وليمپياداعا (IРho) قاتىسقان كولۋمبيالىق مەيمان دەنيەل فاحاردو ءمالىم ەتتى.

«بارىنەن بۇرىن ماعان قازاقستاندىقتاردىڭ جايدارى مىنەزى، جىلى شىرايلىلىعى مەن قوناقجايلىلىعى ەسىمدە قالىپ وتىر. ماعان قازاقستاندا قاتتى ۇنادى، اسىرەسە استانانىڭ اسەمدىگى مەن قازىرگى زامانعى كەلبەتى ماقتاۋعا لايىق»، - دەيدى كولۋمبيالىق فيزيك.

سونىمەن قاتار كولۋمبيا وكىلى قازاقستان IРho-نى وتكىزۋگە ۇلكەن جاۋاپكەرشىلىكپەن قاراعانىن ايتا كەلە، مەملەكەتتىڭ عىلىمدى قولداۋ مەن دامىتۋعا دەگەن قادامدارىن وڭ باعالادى.

«قازاقستاننىڭ گۇلدەنە بەرۋىن تىلەيمىن. بارشا قازاقستاندىقتاردىڭ دەنساۋلىعى مىقتى بولىپ، ءارقاشان دا وسىنداي جىلى شىرايلى ءارى قوناقجايلى بولىپ قالا بەرىڭىزدەر»، - دەپ ءتۇيدى دەنيەل فاحاردو.

اۆتور: رۋسلان عابباسوۆ