قايعىلى وقيعا ورىن الار كەزدە اۋە كەمەسى جانىندا ۋكراين ۇشاعى بولعان
ۆەدومستۆو رەسەي اۋە اپاتى بولعان اۋداندا تىركەلگەن جەرسەرىك جانە راديولوكاتسيالىق باقىلاۋ تىركەگەن مالىمەتتەردى جاريا ەتتى.
ر ف قارۋلى كۇشتەرى باس شتابىنىڭ شۇعىل باس باسقارما باستىعى اندرەي كارتوپولوۆتىڭ ايتۋىنشا، Malaysia Airlines اۋە كومپانياسىنا تيەسىلى Boeing - ءتىڭ قۇلاۋى كەزىندە جولاۋشىلار كەمەسى جانىندا ۋكرايندىق س ۋ-25 اتقىش ۇشاعى جۇرگەن. قورعانىس مينيسترلىگىنىڭ مالىمەتىنشە، اۋە كەمەلەرى اراسىنداعى اراقاشىقتىق 3-4 شاقىرىمنان ءارى اسپاعان. سونىمەن قاتار كورتوپولوۆ Boeing اپاتى ورىن العان اۋداندا ۋكراينا اسكەرىنە تيەسىلى ءۇش ديۆيزيوننىڭ «بۋك» زەنيتتى- زىمىراندى كەشەنى ورناتىلعانىن ايتادى.
رەسەي قورعانىس مينيسترلىگى امەريكالىق جەرسەرىك بارلاۋى تىركەگەن مالىمەتتەردى سۇراپ، ا ق ش- تى قولقالاعان. ۆەدومستۆو مالىمەتتەرى بويىنشا، مالايزيالىق لاينەردىڭ اپاتقا ۇشىراۋى ۋاقىتىندا بۇل اۋماقتا زىمىران باعىتىن انىقتاپ، ونى قاداعالايتىن ا ق ش قورعانىس كۇشتەرىنىڭ بارلاۋ جەرسەرىكتەرى ۇشىپ وتكەن.
الدىندا ا ق ش- تىڭ مەملەكەتتىك حاتشىسى دجون كەرري امەريكالىق بيلىكتىڭ قولىندا اۋە اپاتىنا ۋكراينانىڭ شىعىس اۋماعىنداعى بۇلىكشىلەرگە قاتىسى بار كۋا مالىمەتتەر بارىن ايتقان. سونداي- اق كەرري سوڭعى ايلار بارىسىندا رەسەي وسى اۋماقتاعى ساربازدارعا قارۋ- جاراق، سونىڭ ىشىندە زەنيتتى- زىمىراندى كەشەندى دە تاسىمالداپ وتىردى دەپ مالىمدەگەن. رەسەي قورعانىس مينيسترلىگىندەگىلەر مۇنى جوققا شىعارعان.
ەسكە سالا كەتەلىك، ۋكراينانىڭ وڭتۇستىك- شىعىسىنداعى Boeing اپاتى 17 - شىلدەدە ورىن العان. اۋە اپاتى كەزىندە ونىڭ ىشىندەگى بارلىق 298 ادام مەرت بولعان. قايعىلى وقيعا ءىزىن سۋىتپاي كيەۆ ۇشاقتى رەسەيلىك مۇددەدەگى ساربازدار اتىپ ءتۇسىردى دەپ مالىمدەگەن. ءوز كەزەگىندە دونەتسك وكىلدەرى جوعارى بيىكتىكتەگى نىساندى جويا الاتىن قارۋلارى جوقتىعىن ايتقان.
«الاش ايناسى»
