ن. نازاربايەۆ يۋنەسكو ىستەرى جونىندەگى ۇلتتىق كوميسسيالاردىڭ ايماق ارالىق كەڭەسىنە قاتىسۋشىلاردى قۇتتىقتادى
ەلباسى قۇتتىقتاۋىن ق ر مەملەكەتتىك حاتشىسى ادىلبەك جاقسىبەكوۆ وقىپ بەردى.
«ءبىزدىڭ بارلىعىمىزدى الەم مەن عالامشارىمىزعا قامقورلىق، جوعارى ستاندارتتارعا، عىلىمي پروگرەسس پەن تۇراقتى دامۋعا ۇمتىلىس بىرىكتىرەدى. اۋماعىندا 130 دان استام ەتنوس بەيبىتشىلىكتە ءومىر ءسۇرىپ جاتقان قازاقستان ءۇشىن يۋنەسكو- نىڭ مادەنيەت ارالىق، وركەنيەت ارالىق جانە ءوڭىر ارالىق سۇحباتتاستىقتى نىعايتۋعا باعىتتالعان قىزمەتى ەرەكشە جاقىن. ءبىز ءوز تارابىمىزدان يۋنەسكو قۇندىلىقتارىن، توزىمدىلىك ۇستانىمدارى مەن جاڭا ىزگىلىك يدەياسىن العا جىلجىتۋ ءۇشىن بارلىق كۇش- جىگەرىمىزدى جۇمسايمىز» ، دەلىنگەن ەلباسى قۇتتىقتاۋىندا.
سونىمەن قاتار مەملەكەت باسشىسى قازاقستان مادەنيەتتەردىڭ جاقىنداسۋىنىڭ حالىقارالىق جىلى مەن حالىقارالىق ونجىلدىعىن قوسا العاندا كوپتەگەن جاھاندىق باستامالار كوتەرگەندىگىن اتاپ ءوتىپ، بۇگىندە استانا الەمدىك جانە ءداستۇرلى دىندەر كوشباسشىلارى سەزى وتەتىن ورىنعا اينالعانىن باسا ايتقان.
«بۇگىندە يۋنەسكو يدە الدارىنىڭ تانىمالدىعىن ارتتىرۋ ۇيىمعا مۇشە ەلدەر تارابىنان تۇراقتى كۇش- جىگەردى جانە يۋنەسكو ىستەرى جونىندەگى ۇلتتىق كوميسسيالار سىندى ىنتىماقتاستىقتىڭ بىرەگەي قۇرالىن تولىققاندى پايدالانۋدى تالاپ ەتەدى. ءبىرىنشى ءوڭىرارالىق كەڭەستى وتكىزۋ سەرىكتەستىكتى نىعايتۋ جولىنداعى ماڭىزدى قادام بولاتىندىعىنا سەنىمدىمىن» ، دەيدى ق ر پرەزيدەنتى ءوز قۇتتىقتاۋىندا.
شاراعا يۋنەسكو- نىڭ بارلىق بەس وڭىرلىك توپتارىنان، اتاپ ايتقاندا، اراب مەملەكەتتەرى، ازيا جانە تىنىق مۇحيتى، ەۋروپا جانە سولتۇستىك امەريكا، لاتىن امەريكاسى مەن كاريب باسسەينى ەلدەرىنەن 125 مەملەكەتتىڭ ۇلتتىق كوميسسيالارىنىڭ وكىلدەرى، سونداي- اق ق ر مەملەكەتتىك حاتشىسى ادىلبەك جاقسىبەكوۆ قاتىسۋدا.
كەڭەس اياسىندا سەگىز قازاقستاندىق نىساننىڭ (الماتى وبلىسىنداعى قايالىق، قارامەرگەن، تالعار جانە جامبىل وبلىسىنداعى اقتوبە ستەپنينسكوە، اقىرتاس، قۇلان، قوستوبە، ورنەك) قىرعىزستان جانە قىتاي تاراپتارىمەن بىرگە دايىندالعان «ۇلى جىبەك جولى: جىبەك جولىنىڭ باستاپقى بولىگى، تيان- شان ءدالىزى باعىتتارىنىڭ جۇيەسى» جونىندەگى سەريالىق ترانس شەكارالىق نوميناتسياسىنىڭ يۋنەسكو بۇكىل الەمدىك مۇرا تىزىمىنە ەنگىزىلۋىنە، سونىمەن قاتار، ەكى قازاقستاندىق تابيعي رەزەرۆاتتاردىڭ «قاتونقاراعاي» مەملەكەتتىك ۇلتتىق تابيعي پاركى مەن «اقجايىق» بيوسفەرالىق اۋماعىنىڭ يۋنەسكو بۇكىل الەمدىك بيوسفەرالىق رەزەرۆاتتار جۇيەسىنە ەنگىزىلۋىنە بايلانىستى ارنايى سەرتيفيكاتتاردى تابىستاۋ سالتاناتى وتەدى.
سونىمەن بىرگە يۋنەسكو باس ديرەكتورى ي. بوكونانىڭ شەشىمىنە سايكەس استانا قالاسىنىڭ اكىمى ي. تاسماعامبەتوۆتى يۋنەسكو مەن قازاقستان اراسىنداعى قارىم- قاتىناستىڭ نىعايۋىنا، سونداي- اق ۇلى جىبەك جولى مۇراسىن ساقتاۋعا اسا كورنەكتى ۇلەس قوسقانى ءۇشىن ۇلتتىق كوميسسياسىنىڭ قۇرمەتتى مەدالىمەن ماراپاتتاۋ سالتاناتى جوسپارلانۋدا.
جينالىستىڭ مادەني باعدارلاماسىنىڭ اياسىندا ەكى كورمە، حالىق شىعارماشىلىعىنىڭ كونسەرتى، ەكسكۋرسيالار مەن «استانا اياسىنداعى مىڭجىلدىق» كوشپەندىلەر وركەنيەتىنىڭ فەستيۆالىن تاماشالاۋ جوسپارلانۋدا.
اۆتور: مارلان جيەمباي
