يتالياندىق اۋىر جۇك كولىگى قازاقستاندا قۇراستىرىلادى

استانا. قازاقپارات - قازاقستاندا IVECO جۇك كولىگىن جيناۋ جۇمىسى قالپىنا كەلتىرىلەدى. 4Х2 ماركىلى IVECO Stralis- ءتىڭ جاڭا جەلىسى قوستاناي قالاسىنىڭ «سارى ارقا اۆتو پروم» الاڭىندا ىسكە قوسادى.

بۇل تۋرالى AllurGroup كومپانياسىنىڭ باسپا ءسوز قىزمەتىنە سىلتەمە جاساپ، almaty.tv حابارلادى.

العاشقى قازاقستاندىق Stralis وسى جىلدىڭ قىركۇيەگىندە كونۆەيىردەن وتەدى دەپ كۇتىلۋدە. كولىك 6 تسيليندرلى 10,3 جانە 12,8 ليترلى ديزەلمەن جابدىقتالادى. جۇك كولىگىنىڭ ماكسيمالدى قۋاتى 500 ات كۇشىن قۇراماق.

«44 توننالىق Iveco Stralis قالا ارالىق جانە حالىقارالىق جۇك تاسۋعا بەيىمدەلگەن. IVECO Stralis جۇك كولىگى تولىق جابدىقتالعان. قاۋىپسىز ءارى كەرەمەت تەحنيكالىق سيپاتتاماعا يە» ، - دەلىنگەن حابارلامادا.

بۇل جۇك كولىگى 25 اتاۋلى ەۋروپالىق ارنايى باسىلىمنىڭ قاتىسۋىمەن ۇيىمداستىرىلعان «Truck of the Year 2013»  جۇلدەسىنىڭ لاۋرەاتى بولىپ تابىلادى.