شەتەلدىكتەردىڭ قازاقستانعا قارۋمەن كىرۋىنە بولا ما؟

استانا. قازاقپارات -  مەنىڭ كورشىم نەمىس. وتكەندە وعان گەرمانيادان ءبىر توپ تۋىستارى كەلدى. ءتىپتى ولاردىڭ قارۋ ۇستاپ جۇرگەنىن دە كورىپ قالدىم.

سوندا شەتەلدىك ازاماتتاردىڭ ەلىمىز اۋماعىنا قارۋ الىپ كۇرۋىنە قۇقى بار ما؟ جالپى ولار قانداي تارتىپپەن قارۋ الىپ كەلۋىنە بولادى؟ 
  اسحات،   اقتوبە قالاسى 

 - قازاقستان رەسپۋبليكاسىنىڭ 1998 - جىلعى 30 - جەلتوقساندا قابىلداعان «جەكە قارۋ تۇرلەرىنىڭ اينالىمىنا مەملەكەتتىك باقىلاۋ جاساۋ تۋرالى» زاڭىنىڭ 26-بابىندا اتاپ كورسەتىلگەندەي، شەتەل ازاماتتارى قازاقستان رەسپۋبليكاسىنىڭ اۋماعىنا ازاماتتىق قارۋدى (اڭشى جانە سپورت مىلتىقتارىن) اڭ اۋلاۋعا جاسالعان كەلىسىمشارت نەمەسە سپورتتىق شارالارعا قاتىسۋعا جىبەرىلگەن شاقىرۋ قاعازدارى نەگىزىندە جانە ق ر ىشكى ىستەر مينيسترلىگىنىڭ ءتيىستى رۇقساتى بولعان جاعدايدا، كەلىسىمشارت نەمەسە شاقىرۋ قاعازدارىندا كورسەتىلگەن مەرزىمگە عانا الىپ كەلە الادى.

 «الاش ايناسى» گازەتى