05:32, 20 - شىلدە 2014 | GMT +5
سولتۇستىك كورەيا ازيا ويىندارىنا قاتىسپاۋى مۇمكىن
استانا. قازاقپارات - سولتۇستىك كورەيا 17 - ازيادا ويىندارىنا بارماۋى مۇمكىن. ونسىز دا ءبىر- بىرىنە مۇرىن شۇيىرە قارايتىن باۋىرلاس قوس مەملەكەتتىڭ اراسىندا تاعى دا جاعداي شيەلەنىسە ءتۇستى.
ەندى پحەنيان بيىل قىركۇيەك ايىندا وڭتۇستىك كورەيانىڭ ينچحون قالاسىندا وتەتىن ءدۇبىرلى جارىستان باس تارتۋى ىقتيمال.
ەكى ەل اراسىنداعى جاڭا داۋعا سەۋلدىڭ ىرگەلەس مەملەكەت سپورتشىلارىنىڭ سانى مەن ولار اكەلەتىن تۋعا قارسىلىعى سەبەپ. سولتۇستىك كورەيا بۇل جولى 350 اتلەتتى باپتاپ وتىر. جانكۇيەرلەردىڭ سانى دا سوعان سايكەس بولماق.
پحەنيان ازىرلەگەن قۇراما كوماندانىڭ كوپتىگىنە كوڭىلى تولماعان وڭتۇستىكتەگى سپورت شەنەۋنىكتەرى قاۋىپسىزدىك شارالارىمەن باس قاتىرۋدا. ال بۇعان دەيىن سولتۇستىك كورەيا بيلىگى ەلدە ورىن العان قيىندىقتاردى ۇمىتۋ ءۇشىن ازياداعا قاتىسپاقشى ەكەنىن مالىمدەگەن ەدى.
