ۇشاق اپاتىنا ا ق ش- تىڭ قاتىسى بولۋى مۇمكىن

استانا. قازاقپارات - الەمدىك كەيبىر ساراپشىلار ۇشاقتىڭ اپاتقا ۇشىراۋىنا ا ق ش-تىڭ قاتىسى بولۋى مۇمكىن دەگەن بولجام ايتادى. ولاردىڭ پايىمداۋىنشا، رەسەي مەن ۋكراينا اراسىنداعى جاعدايدى ۋشىقتىرۋ ماقساتىندا ا ق ش وسىنداي ارەكەت جاساۋى دا ىقتيمال.

ال، بىرىككەن ۇلتتار ۇيىمىنىڭ باس حاتشىسى پان گي مۋن اپاتقا ناقتى كىنالىنى تابۋ ءۇشىن، «حالىقارالىق تەكسەرىس تاعايىنداۋعا» شاقىردى. سوڭعى اقپارات بويىنشا، وقيعا بولعان جەردەن ازىرگە تەك 121 ادامنىڭ عانا دەنەسى تابىلعان. 50 دەن استام جولاۋشىنىڭ ۇلتى كىم ەكەنى انىقتالعان جوق.

5 ساعات بويى امستەردامنان كۋالا-لۋمپۋرگە دەيىن قالىپتى ۇشقان اۋە كەمەسىن دىتتەگەن جەرىنە جەتكىزبەي الدە بىرەۋلەر زىمىرانمەن اتىپ تۇسىرگەن.

نيدەرلاندى، اۆستراليا، مالايزيا، يندونەزيا، بريتانيا، گەرمانيا، بەلگيا، فيليپپين مەن كانادانىڭ جالپى سانى 298 ازاماتى جازىقسىز جازىم بولىپ، ساياسي ويىننىڭ قۇربانىنا اينالدى. كۇل-تالقانى شىققان لاينەر بورتىنداعى جولاۋشىلاردىڭ دەنى مەلبۋرندە وتەتىن سپيد اۋرۋىنا قاتىستى حالىقارالىق كونفەرەنسياعا قاتىسۋ ءۇشىن بارا جاتقان.

ودان بولەك كامەلەتتىك جاسقا تولماعان 3 ءبۇلدىرشىن، مالايزيا پرەمەر-ءمينيسترىنىڭ اجەسى مەن 15 ەكيپاج مۇشەسى بولعان. ۋكراين ازاماتتارى مارقۇم بولعانداردىڭ جاقىن-تۋىستارىنا قاشىقتان بولسا دا كوڭىل ايتىپ، گۇل شوقتارىن اكەلىپ جاتىر.

ءدال وسى رەيسپەن ۇشۋى ءتيىس تاعى 2 جولاۋشى اۋەجايعا كەشىگىپ كەلىپ، سۇم اجالدان امان قالعان. باۋىرىنا بالاسىن باسقان ايەل گاگادا ورنالاسقان حيلتون قوناق ۇيىنەن كەشەۋلەتىپ شىعىپ، امستەردام اۋەجايىنا ۋاقىتىندا جەتە الماعاندىعىن ايتىپ وتىر.

جولاۋشى:

ءومىرىم كوز الدىمنان وتكەندەي بولدى. بۇل جاراتقاننىڭ ماعان جاساعان سىيى شىعار. ەندى امان-ەسەن مالايزياداعى وتباسىممەن قاۋىشاتىن بولدىم.

ءبىر قىزىعى اپاتقا ۇشىراعان بۇل ۇشاقپەن ساراپشىلار 7 سانىنىڭ تىلسىمىن بايلانىستىرىپ وتىر. 1997 - جىلى 17- شىلدە ايىندا العاشقى رەت كوككە كوتەرىلگەن اۋە كەمەسى 17 جىل بويى قىزمەت اتقارعان ەكەن. رەيس ءنومىرى دە 17 م ن17. سونداي-اق لاينەردىڭ سوڭعى ساپارى دا بيىلعى جىلدىڭ 17- شىلدەسى دەپ بەلگىلەندى. دەسە دە، قاسيەتتى 7 سانى بۇل جولى ەشكىمگە ساتتىلىك الىپ كەلمەدى. ەسكەرە كەتەتىن تاعى ءبىر جايت، ۇستىمىزدەگى جىلدىڭ 8- ناۋرىزىندا ءدال وسى Malaysia Airlines كومپانياسىنىڭ تاعى ءبىر ۇشاعى بەلگىسىز جاعدايدا راداردان جوعالىپ، ءىز-ءتۇسسىز كەتكەن بولاتىن. بورتىندا 227 جولاۋشىسى بار بۇل ۇشاقتى ىزدەستىرۋ جۇمىستارى ءالى كۇنگە دەيىن جالعاسىپ جاتىر.

جانار جولتايەۆا.
«31 ارنا»