08:34, 19 - شىلدە 2014 | GMT +5
تۇركيادا الىپ قاربىز ءوسىرىلدى - فوتو
استانا. قازاقپارات - تۇركياداعى انتاليا پروۆينسياسىنىڭ ماناۆگات اۋدانىندا جەرگىلىكتى شارۋا ليۋتفيۋ اي سالماعى 58 كيلوگرام بولاتىن الىپ قاربىز ءوسىردى، دەپ جازادى انادولى اگەنتتىگى.
ليۋتفيۋ ايدىڭ سوزىنە قاراعاندا، بيىلعى جىلى ول ەشقانداي حيميكاتتاردى پايدالانباي قاربىزدىڭ ەرەكشە ءتۇرىن ءوسىرىپ شىعارۋدى ويلاعان. سونداي- اق ونىڭ باقشاسىندا 54 جانە 48 كەلى بولاتىن قاربىزدار دا بار ەكەن. بۇل قاربىزدار 3 ايدىڭ ىشىندە ءوسىپ شىققان ەكەن.
قازىرگى كەزدە بۇل قاربىز تۇركياداعى ەڭ الىپ قاربىزداردىڭ ءبىرى بولىپ تانىلىپ وتىر. بۇعان دەيىنگى «رەكوردتىق قاربىزدىڭ» سالماعى 50 كيلوگرامم بولىپتى.
