ءجۇز جىل بۇرىن اتاسى جاسىرعان اقشا نەمەرەسىنە بۇيىردى
شاتىرداعى تاقتايدىڭ اراسىنان شىققان اقشا 19 - عاسىرداعى پاتشالىق رەسەي زامانىنا تيەسىلى. اقشامەن بىرگە شىققان قۇجاتتار قارجىنىڭ يەسى ۆيكتوردىڭ ارعى اتاسى ۆاسيلي كنيازيەۆ ەكەنىن ايعاقتايدى. جازبادا ونىڭ ساتىپ الۋدى جوسپارلاعان زاتتارىنىڭ ءتىزىمى دە بار.
قازىنا تابىلعان ءۇي - اۋىلداعى ەڭ ەسكى عيماراتتاردىڭ ءبىرى. ىرگەتاسى 1902- جىلى قالانعان. تابىلعان سومانىڭ كولەمى ءۇي يەسىنىڭ اۋقاتتى ادام بولعانىن اڭعارتادى. ويتكەنى سول زاماندا مۇعالىم، دارىگەرلەردىڭ جالاقىسى 100 رۋبل، جاقسى قۇرىم ەتىك ورتاشا ەسەپپەن 3 رۋبل، اعاش جيھازدىڭ قۇنى 50 رۋبل شاماسىندا بولىپتى. ءۇيدىڭ قازىرگى يەسى اتاسىنان قالعان اقشانى قالاي كادەگە جاراتارىن ءالى شەشكەن جوق.
ۆيكتور كنيازيەۆ، نەچايەۆ اۋلىنىڭ تۇرعىنى:
- شاتىردى جيناستىرا باستاعان ەدىم، سەبىلگەن توپىراققا كوزىم ءتۇستى. ارشىپ قاراسام، تەرىگە ورالعان اقشا شىقتى. اۋلەتىمىز كوممۋنيزم كەزىندە كۋلاك رەتىندە قۋعىندالعان. ولاردى كولحوزعا دا جۇمىسقا الماپتى. ال مىنا اقشانى نە تىققان جەرلەرىن ۇمىتقان، نە قۇنى بار كەزىندە جۇمساپ ۇلگەرمەگەن.
«حابار»
