قازاقستان قاتتى ۇنادى- حالىقارالىق وليمپياداعا قاتىسۋشى- فوتو
«بۇل ءبىزدىڭ قازاقستانعا العاش كەلۋىمىز. استاناعا كەلمەس بۇرىن ەلدەرىڭىز تۋرالى عالامتوردان وقىپ بىلدىك. ءبىز كۇتكەندەي ەكەن، كوڭىلىمىزدەن شىقتى. اسىرەسە، استانا قاتتى ۇنادى. ەرەكشە عيماراتتارى بار. قازاقستان ءبىر كورگەننەن وزىنە ىنتىق ەتتى. شىنىمەن، بۇل مەنىڭ عانا پىكىرىم ەمەس، بارلىق وليمپياداعا قاتىسۋشىلاردىڭ ءسوزى. وسى جەردى كورگەنىمىزگە قۋانىشتىمىز» ، - دەدى ە. ر. ەيدە.
تاڭەرتەڭ حالىقارالىق 45- وليمپيادانىڭ (IРho) قاتىسۋشىلارى وتىرعان اۆتوبۋستار تىزبەگى نازاربايەۆ ۋنيۆەرسيتەتىنەن بۋراباي كۋرورتتى ايماعىنا اتتاندى. جول بويى الەمنىڭ تۇپكىر- تۇپكىرىنەن جينالعان بالالار جەرگىلىكتى تابيعاتتىڭ سۇلۋلىعىن تاماشالادى.
نورۆەگيالىق وقۋشى بۋراباي تابيعاتى ءوز ەلىنە ۇقسايتىنىن جەتكىزدى.
«ريكسوس- بۋراباي» قوناقۇيىنە تۇراقتاعان IРho قاتىسۋشىلارىن اقمولا وبلىسى اكىمدىگىنىڭ قىزمەتكەرلەرى قارسى الدى. سىرت كوزگە شەتەلدىك قوناقتاردىڭ كەيبىر قازاقتىڭ سالت- داستۇرلەرىمەن تانىسىپ تا ۇلگەرگەنى بايقالىپ تۇردى. ۇلتتىق كيىمدەگى قىزداردى كورگەن كەزدە ءتىپتى ولار «شاشۋ، شاشۋ!» دەسىپ جاتتى.
بالالارعا تابيعات اياسىندا كونسەرتتىك باعدارلاما ۇيىمداستىرىلدى، ساحنادا ۇلتتىق سپورت تۇرلەرى مەن جەرگىلىكتى شەبەرلەردىڭ قولونەرى كورسەتىلدى. الەم بالالارىنىڭ دوستىق مەرەكەسىن اۋا رايى دا وزگەرتە المادى. ءبارىنىڭ كوڭىل- كۇيى كوتەرىڭكى، اسىرەسە بۋراباي تابيعاتىنان ەرەكشە اسەر الدى. مادەني باعدارلاما «ريكسوس- بۋراباي» قوناقۇيىندە ءوز جالعاسىن تاپتى. بي كەشى كەزىندە ولار تەك فيزيكا ەسەپتەرىن شاعۋمەن قويماي، ءبيدىڭ دە ءتۇبىن تۇسىرەتىندەرىن كورسەتتى. قاراعايلى ورماندى ارالاعاننان كەيىن جاس قوناقتار استاناعا كەرى قايتپاق.
ەسكە سالا كەتەيىك، فيزيكا بويىنشا 45- حالىقارالىق وليمپيادانى ق ر ءبىلىم جانە عىلىم مينيسترلىگى، «دارىن» عىلىمي- تاجىريبەلىك ورتالىعى ۇيىمداستىردى. وليمپياداعا الەمنىڭ 85 ەلىنەن دەلەگاتتار قاتىسۋدا.
