16:59, 18 - شىلدە 2014 | GMT +5
قازاقستان ۋكراينانىڭ شىعىسىندا «بوينگ» ۇشاعىنىڭ اپاتقا ۇشىراۋىنا الاڭداۋشىلىق تانىتادى
استانا. قازاقپارات - قازاقستان ۋكراينانىڭ شىعىسىندا «بوينگ» ۇشاعىنىڭ اپاتقا ۇشىراۋىنا الاڭداۋشىلىق تانىتادى. بۇل تۋرالى بۇگىن ق ر سىرتقى ىستەر مينيسترلىگىنىڭ رەسمي وكىلى نۇرجان ايتمۇحانبەتوۆ ءمالىم ەتتى.
«مالايزيا اۋەجولدارى ۇشاعىنىڭ ۋكراينا شىعىسىندا اپاتقا ۇشىراۋى سالدارىنان قازا تاپقانداردىڭ تۋىستارى مەن جاقىندارىنا ازا تۇتىپ، كوڭىل ايتامىز. بولعان وقيعاعا اسا الاڭداۋشىلىق تانىتامىز. الدىن الا اقپاراتقا سايكەس، ۇشاقتا قازاقستان رەسپۋبليكاسىنىڭ ازاماتتارى بولماعان. بۇل ماسەلەنى ءبىز ارى قاراي انىقتاۋدامىز جانە قوسىمشا رەسمي اقپاراتتار كەلىپ تۇسكەن جاعدايدا، سىزدەردى حاباردار ەتەتىن بولامىز» ، - دەدى ول.
