17:08, 18 - شىلدە 2014 | GMT +5
اۆستراليالىق وتباسى مالايزيالىق ۇشاقتاردىڭ ەكى اپاتىندا دا تۋىستارىنان ايىرىلعان
استانا. قازاقپارات - اۆستراليالىق يرەن مەن دجوردج بارروۋزدار 2014 - جىلى بولعان Malaysia Airlines ۇشاقتارىنىڭ ەكى اپاتىندا دا وتباسى مۇشەلەرىنەن ايىرىلىپ وتىر، دەپ حابارلايدى The Independent.
ولاردىڭ بالاسى مەن كەلىنى بيىل كوكتەمدە ءۇندى مۇحيتىندا ءىز- ءتۇسسىز جوعالىپ كەتكەن MH370 ۇشاعىندا بولعان. كەيىن ولاردىڭ نەمەرەسى ءوزىنىڭ كۇيەۋىمەن بىرگە 17 - شىلدە كۇنى ۋكراينادا اپاتقا ۇشىراعان امستەردام - كۋالا- لۋمپۋر باعىتىنداعى MH17 ۇشاعى قۇرباندارىنىڭ تىزىمىنە ەندى.
وتباسىندا وسىنداي قايعىنى باستان كەشكەن قارت جۇبايلار ب ا ق وكىلدەرىنە سۇحبات بەرۋدەن باس تارتىپ وتىر.
ايتا كەتەيىك، ۇشاقتىڭ بورتىندا 28 اۆستراليالىق بولعاندىعى انىقتالدى. اۋە اپاتىنان قازا تاپقان كىسىلەردىڭ تىزىمىندە يرەن مەن دجوردج بارروۋزداردىڭ تۋىستارى ەنگەن. «بوينگ» ىشىندە جالپى 283 ادام بولدى.
اۆتور: جاسۇلان جولدىبايەۆ
