نيگەريالىق فيزيك ايحان يامان قازاقستاننىڭ قاي قالاسىن ۇمىتا الماي جۇرگەندىگىن ايتتى

الماتى. قازاقپارات - 45-  حالىقارالىق فيزيكا وليمپياداسىنا كەلگەن نيگەريالىق توپتىڭ جەتەكشىسى ايحان يامان قازاقستان قالالارىنىڭ ىشىندە الماتىنىڭ جۇرەگىنە جاقىن ەكەندىگىن ايتتى.

نيگەريالىق مەيمان وڭتۇستىك استاناعا ەڭ العاش 2006 - جىلى ازيالىق وليمپيادا ويىندارىنا قاتىسۋعا كەلگەن ەكەن.

«استانا - وتە ساۋلەتتى، كوركەم قالا. ءبىراق، مەن ءۇشىن الماتىنىڭ الار ورنى بولەك. مەن كوپ جىل بۇرىن الماتىدا بولعانمىن. سول كەزدەن بەرى الماتىنىڭ تابيعاتى مەن ۇلتتىق ناقىشىنا عاشىقپىن.  شىنىمدى ايتسام، IPho الماتىدا وتەدى ەكەن دەپ ۇمىتتەندىم» ، - دەدى عالىم.

افريكالىق قوناق استانانىڭ قوناقجايلىلىعىن دا اتاپ ءوتتى.

«قازىرگى وليمپيادا كەمشىلىكسىز وتكىزىلدى. تەحنيكالىق تۇرعىدان ەشقانداي كەلەڭسىزدىك كورمەدىم. قوناقجايلىلىعى تۇرعىسىنان استاناداعى وليمپيادا مەن ءۇشىن تايلاند پەن تۇركيادا وتكىزىلگەن IPho-مەن تەڭ» ، - دەدى ا. يامان.