11:20, 18 - شىلدە 2014 | GMT +5
ەلباسى ۇشاق اپاتىنا بايلانىستى مالايزيا پرەمەر-مينيسترىنە كوڭىل ايتتى
استانا. قازاقپارات - ق ر پرەزيدەنتى Malaysia Airlines اۆياكومپانياسى MH17 ۇشاعىنىڭ اپاتقا ۇشىراۋىنا بايلانىستى مالايزيا پرەمەر-ءمينيسترى نادجيب تۋن رازاكقا كوڭىل ايتۋ جەدەلحاتىن جولدادى، دەپ جازادى اقوردانىڭ رەسمي سايتى.
جەدەلحاتتا Malaysia Airlines كومپانياسىنىڭ «امستەردام - كۋالا- لۋمپۋر» باعىتى بويىنشا ۇشقان ۇشاعىنىڭ ۋكراينا اۋماعىندا اپاتقا ۇشىراۋى سالدارىنان كوپ ادامنىڭ قازا بولعانى تۋرالى قايعىلى حاباردى مەملەكەت باسشىسىنىڭ زور كۇيزەلىسپەن قابىلداعانى اتاپ وتىلگەن.
نۇرسۇلتان نازاربايەۆ قازاقستان حالقىنىڭ جانە جەكە ءوز اتىنان نادجيب تۋن رازاكقا، سونداي-اق قازا تاپقانداردىڭ تۋعان-تۋىستارى مەن جاقىندارىنا شىن جۇرەكتەن كوڭىل ايتتى.
