ون ەلدىڭ ازاماتى قازاقستانعا ۆيزاسىز كىرەتىن ەرەجە كۇشىنە ەندى

استانا. قازاقپارات-  ا ق ش،  ۇلى بريتانيا، نيدەرلاندى، فرانسيا، يتاليا، گەرمانيا، مالايزيا، جاپونيا، ءب ا ا، وڭتۇستىك كورەيا ازاماتتارى قازاقستان اۋماعىندا 15 كۇن ۆيزاسىز جۇرە الادى. جاڭا ەرەجە كەشە، 17 شىلدەدەن باستاپ تولىق كۇشىنە ەندى.

بۇل تۋرالى ازاتتىققا قازاقستان سىرتقى ىستەر مينيسترلىگىنىڭ باسپا ءسوز قىزمەتى حابارلادى.

اتالعان ەلدەردىڭ ازاماتى قازاقستانعا 15 كۇننەن كوپ ۋاقىتقا كەلەتىن بولسا ۆيزا راسىمدەۋى ءتيىس. بۇل ۆيزا تۋريستەر مەن بيزنەسمەندەرگە - 30 كۇنگە، ال قازاقستاندا جۇمىس ىستەيتىن ينۆەستورلارعا ءۇش جىلعا دەيىن بەرىلەدى.

سىرتقى ىستەر مينيسترلىگى الداعى ۋاقىتتا قازاقستانعا ۆيزاسىز كىرەتىن ەلدەردىڭ ءتىزىمى كوبەيەتىنىن ايتادى.

قازاقستان بۇل قادامعا ينۆەستورلار مەن شەتەلدىك كاپيتال تارتۋ ءۇشىن بارىپ وتىر.

«ازاتتىق»