09:19, 18 - شىلدە 2014 | GMT +5
ورىس قىزى قىتاي جىگىتىن قۇتقارىپ قالدى
استانا. قازاقپارات - قىتايدىڭ تسينداو قالاسىندا رەسەيلىك ساياحاتشى قىز سۋعا باتىپ بارا جاتقان قىتاي ازاماتىن قۇتقارىپ قالدى، دەپ حابارلادى «شينحۋا» اگەنتتىگى.
بۇل وقيعا سارى تەڭىز جاعالاۋىنداعى تسينداو كۋرورت ايماعىندا بولعان. مۋرمانسكىدەن كەلگەن 29 جاستاعى جەنيا تەڭىزدە شومىلىپ جۇرگەنىندە وزىنەن 20 مەتردەي قاشىقتا ءبىر ادامنىڭ سۋعا باتىپ بارا جاتقانىن بايقايدى. ويلانباستان كومەككە ۇمتىلعان ول قىتاي جىگىتىن قۇتقارىپ قالعان.
قىتاي ب ا ق-تارىنىڭ حابارلاۋىنشا، رەسەي ازاماتشاسى وسى وقيعادان سوڭ وتانىنا قايتىپ كەتكەن. ال اجالدان امان قالعان جىگىتتىڭ تۋعان-تۋىستارى مەن دوستارى وعان العىس حاتتار مەن سىي-سياپاتتارىن جولداۋدى توقتاتار ەمەس.
