فيزيكا وليپياداسىنا برازيليالىق قاتىسۋشىسى: قازاقستان ءوزىنىڭ باي مادەني مۇراسىمەن جانە داستۇرىمەن اسەر ەتتى
استاناداعى فيزيكادان 45-حالىقارالىق وليپياداعا (IPho) برازيليانىڭ اتىنان كەلگەن دانيەل ميتسۋتاني قازاقپارات تىلشىسىمەن ءوز اسەرىمەن ءبولىستى.
برازيليادان كەلگەن قاتىسۋشىنىڭ ايتۋىنشا، IPho عا قاتىسۋ وعان جانە باسقا دا قاتىسۋشىلارعا قازاقستان تۋرالى تەرەڭىرەك بىلۋگە مۇمكىندىك بەردى.
«شارانىڭ جوعارى دەڭگەيدە ۇيىمداستىرىلۋىنىڭ ارقاسىندا بارلىق قاتىسۋشىلار قازاقستاننىڭ استاناسىنىڭ اسەمدىگىن سەزىنە الدى» ، - دەدى ول.
«قالاداعى اسەم عيماراتتاردىڭ ىشىندە ماعان بەيبىتشىلىك پەن كەلىسىم شارت سارايى جانە استانانىڭ سيمۆولى بايتەرەك قاتتى ۇنادى. ولاردىڭ ارحيتەكتۋراسى ايرىقشا اسەر ەتتى»، - دەپ قوستى د. ميتتسۋتاني.
جاس برازيليالىق قاتىسۋشىعا سونىمەن قاتار ءتۇرلى ءداستۇرلى اسپاپتاردا وينالعان قازاقتىڭ ۇلتتىق مۋزىكاسى دا ۇناپتى.
«مەن قازاق حالقىنىڭ سالت-داستۇرلەرىمەن جاقىنىراق تانىسۋ ءۇشىن قازاقستانعا تاعى دا كەلگىم كەلەدى»، - دەدى برازيليالىق قوناق.
