قازاقستان مەن ۇلى بريتانيا عارىش سالاسىنداعى ىنتىماقتاستىقتى جالعاستىرۋدى تالقىلادى
«اتالعان ءىس-شارانىڭ اياسىندا قازعارىش باسشىسى ۇلىبريتانيا عارىش اگەنتتىگىنىڭ باسشىسى دەۆيد پاركەرمەن، سونداي-اق «اكادەميك م. ف. رەشەتنيكوۆ اتىنداعى اقپاراتتىق سپۋتنيكتىك جەلىلەر» ا ا ق-تىڭ باس ديرەكتورى نيكولاي تەستوەدوۆپەن كەزدەسۋلەر وتكىزدى. كەزدەسۋ بارىسىندا عارىش اپپاراتتارىن قۇرۋدا بىرلەسكەن ىنتىماقتاستىقتىڭ پەرسپەكتيۆالارى تالقىلاندى»، - دەلىنگەن قازعارىشتىڭ باسپا ءسوز قىزمەتىنىڭ مالىمەتىندە.
سونداي-اق، Farnborough Airshow حالىقارالىق اەروعارىش سالونى شەڭبەرىندە «گراجدانسكيە سامولەتى سۋحوگو» جاق پەن قازاقستاندىق «BEK AIR» اۋەكومپانياسى اراسىندا كەلىسىمگە قول قويىلدى. قول قويۋ ءراسىمى ق ر ۇلتتىق عارىش اگەنتتىگىنىڭ ءتوراعاسى ت. مۇسابايەۆ پەن رەسەيدىڭ بىرىككەن اۋە قۇرىلىس كورپوراتسياسىنىڭ پرەزيدەنتى ميحايل پوگوسياننىڭ قاتىسۋىمەن ءوتتى.
كەلىسىم «Sukhoi Superjet 100» جەتى ۇشاعىن «BEK AIR» اق-عا جەتكىزۋدى قاراستىرادى جانە 2014 - جىلعى 29- مامىردا استانا قالاسىندا بەلورۋسسيا، قازاقستان جانە رەسەي مەملەكەتتەرى باسشىلارىنىڭ قول قويعان شارت اياسىندا ەۋرازيالىق ەكونوميكالىق وداققا اۋە تاسىمالى نارىعىندا «SSJ100» ۇشاعى ءۇشىن پەرسپەكتيۆالار اشىلادى.
اۆتور: رۋسلان عابباسوۆ
