قازاقستاننىڭ ءدارى-دارمەك نارىعىنا قىتايدان ۇلكەن قاۋىپ ءتونىپ تۇر - د س م
ءمينيستردىڭ سوزىنە قاراعاندا، الەمدە جالعان دارىلەر اينالىمى ارتىپ كەلەدى. ماسەلەن، ا ق ش-تىڭ ازىق- تۇلىك ونىمدەرى مەن دارىلىك پرەپاراتتاردى باقىلاۋ جونىندەگى باسقارماسىنىڭ دەرەكتەرى بويىنشا جالعان دارىلەردىڭ الەمدىك اينالىمى 75 ملرد. ا ق ش دوللارىن قۇرايدى. ال ەۋروپادا سوڭعى جىلدارى 7 ملن-نان استام جالعان فارماتسيەۆتيكالىق ونىمدەردى تاركىلەنگەن.
«جالعان دارىلىك زاتتار اينالىمىنىڭ 51 پايىزى ازيا ەلدەرىنە تيەسىلى. ال قازاقستاننىڭ فارماتسيەۆتيكالىق نارىعىنا قىتايمەن گەوگرافيالىق كورشىلىگىمىز ۇلكەن قاۋىپ بولىپ وتىر. ويتكەنى، كونترافاكتىلى دارىلەردىڭ باسىم بولىگى وسى ەلدەن جەتكىزىلەدى»، - دەيدى مينيستر ساليدات قايىربەكوۆا.
ونىڭ ايتۋىنشا، قازاقستاننىڭ يمپورتقا تاۋەلدىلىگى دە مۇنداي جالعان دارىلەردىڭ ەل نارىعىنا ەنۋىنە جاعداي جاساۋدا.
اۆتور: قانات مامەتقازى ۇلى
