ي. تاسماعامبەتوۆ يۋنەسكو مەدالىمەن ماراپاتتالادى
«كەڭەستىڭ سالتاناتتى اشىلۋ ءراسىمى وتە جوعارى دەڭگەيدە ۇيىمداستىرىلادى. وعان ۇكىمەت باسشىسىنىڭ قاتىسۋى جوسپارلانىپ وتىر. استانا قالاسىنىڭ اكىمى يمانعالي تاسماعامبەتوۆ يۋنەسكو مەن قازاقستان اراسىنداعى ىنتىماقتاستىقتىڭ دامۋىنا قوسقان ۇلەسى ءۇشىن ۇيىم باسشىسى قولىنان يۋنەسكو مەدالىن الادى»، - دەدى ول.
ونىڭ اتاپ وتۋىنشە، وسى جيىن بارىسىندا يۋنەسكو-نىڭ بۇكىل الەمدىك مادەني مۇرا تىزىمىنە ەنگەن قازاقستاننىڭ 8 ەسكەرتكىشىنە ديپلومدار تابىس ەتىلەدى.
ايتا كەتەيىك، 22-24 -شىلدە كۇندەرى ەلوردادا يۋنەسكو ىستەرى جونىندەگى ۇلتتىق كوميسسيالاردىڭ ءبىرىنشى ءوڭىرارالىق كەڭەسى وتەدى.
سونىمەن قاتار ءىس-شارا اياسىندا 2 كورمە وتەدى. شىلدەنىڭ 22- كۇنى وتەتىن كورمە ماتەريالدى ەمەس مادەني مۇراعا ارنالادى. ال شىلدەنىڭ 24- كۇنى قازاقستان حالقى اسسامبلەياسىنىڭ كورمەسى ۇيىمداستىرىلادى. سونداي-اق القالى جيىنعا قاتىسۋشىلار كوشپەندىلەر وركەنيەتى فەستيۆالىن تاماشالايدى.
اۆتور: مارلان جيەمباي
