مەكسيكاداعى سۋ استى مۇسىندەر مۇراجايى - فوتو

استانا. قازاقپارات - الەمدە تالاي قىزىق بار ايدارىنا تاعىدا قوش كەلدىڭىزدەر! بۇگىنگى تاقىرىپ مەكسيكا جايىندا بولماق، مەكسيكا بولعاندا كانكۋن قالاسى جايلى. كانكۋن قالاسىنىڭ قانداي ەرەكشەلىگى بار دەيسىز دەر عوي.

 500000 عا جۋىق تۇرعىنى كانكۋن - الەمدىك تۋريستتەردىڭ ەڭ كوپ باراتىن جەرلەرىنىڭ ءبىرى. كۋرورتتىق قالا جاعىنان الەمدىك ۇزدىك 5 تىككە كىرەدى. كاريب تەڭىزىنىڭ بويىنا 1970 - جىلدارى بالىقشىلار قالاشىعى رەتىندە سالىنعان بۇل قالا، تۋريستتەردىڭ ناعىز وتانىنا اينالدى. سۋرەتتە كورگەنىڭىزدەي كوك-كونبەك تەڭىز، جايعا جىلى سىيلايتىن كليماتى تاعى بار.

قالانىڭ باستى بايلىعى تەڭىزدىڭ بويىندا ورنالاسقان سۋ استى مۇسىندەر مۇراجايى، وسى جەردى كورۋ ءۇشىن تۋريستتەر جان-جاقتان كۇن ساناپ اعىلۋدا. بۇنداي شەديەۆرلەردى روبەرتو دياس، دجەيمس گ. كانو، دجەيسون دە كايروس تەيلور دەگەندەر جاساعان ەكەن. دجەيسون ىشىندەگى ءمۇسىنشىسى. 2009 - جىلى باستالعان قۇرىلىس 2010 - جىلى ءبىتتى. كەلەم دەۋشىلەرگە بيلەت باعاسى - 40-60 دوللار ارالىعىندا.

10 مەتر تەرەڭدىكتە جاتقان مۇسىندەر سۋعا ءتوزىمدى ماتەريالداردان جاسالعان. كورەم دەۋشىلەرگە ارنايى ينترۋكتاجدان كەيىن ۇستىڭىزگە اكۆالانگ كيگىزىپ، بارلىعىن تەكسەرىپ بارىپ سۋعا تۇسىرەدى جانە قاسىڭىزدا مۇراجاي قىزمەتكەرى جۇرەدى. مۇسىندەردىڭ قاسىنا بارىپ، سۋرەتكە ءتۇسىپ، ولاردى قولدارىڭىزبەن ۇستاساڭىز بولادى. ەگەر سۋدان قورقامىن دەسەڭىز ءسىزدى ارنايى سۋاستى قايىعىنا وتىرعىزىپ سەرۋەندەتەدى. ناعىز ادرەنالين دەر ەدىم.

مىنا ءمۇسىن ناشا راشاداعى تەلەبەزىرمەن سويلەسەتىن كەيىپكەرىنە ۇقساپ قالىپتى. ءبىراق ءار ءمۇسىننىڭ ءوز تاريحى، ايتار ويى بار.

بارلىق مۇسىندەردىڭ جالپى سالماعى - 180 توننا. جىلىنا - 750000 عا جۋىق تۋريست كەلىپ سۋعا ءتۇسىپ، ءوز كوزدەرىمەن تاماشالاپ كەتەدى ەكەن. ەڭ تانىمال ءمۇسىنى - باعبان قىز دەپ اتالادى. بىرنەشە گۇل وتىرعىزىپ، راحاتتانىپ دەمالىپ جاتقىن قىزدىڭ ءمۇسىنى. گۇلدەردىڭ ورنىنا كادىمگى تەڭىزدە وسەتىن - كورالل وسىمدىگى.

ال مىنا ءمۇسىن - تەڭىز جاعاسىنان ىشىندە حاتتارى بار بىرنەشە شولمەك تاۋىپ العان كىسى. ول حاتتىڭ يەسى كەلىپ قالار دەگەن نيەتپەن شولپەكتەردى ساقتاپ ءجۇر ەكەن.

كوپتەگەن مۇسىندەردى وسى ۋاقىتقا دەيىن تەڭىز تۇبىندە وسەتىن شوپتەر، گۇلدەر باسىپ العان. سولاردىڭ باسىپ العانى مۇسىندەرگە ودان سايىن جان بىتىرگەن سياقتى، كورسەڭىز تاڭ قالعاننان باسقا شاراڭىز قالمايدى.

الەمدى مىڭ اينالىپ شارلاسىڭىزدا ءسىز مۇنداي كەرەمەتتەردى كەزدەستىرە المايتىن شىعارسىزدار.

مۇراجايدى كورۋ ارقىلى ءسىز وزىڭىزگە ۇقساس مۇسىندەردى دە كورىپ قالۋىڭىز مۇمكىن. سالا بەرەتىن بولساڭ مۇسىندەر وتە كوپ، تەك تانىمالدارىن سالىپ وتىرمىن.

ءدال قازىرگى وتىرىسىمدى مەن مىنا كىسىگە ۇقساتىپ وتىرمىن، بۇل مۇسىننەن ءوزىمدى كوردىم.

سولاي دوستار، اياق استى كانكۋنگە بارىپ جاتساڭىز بۇل جەرگە قالايدا بارىڭىزدار.

سىزدەرمەن بولعان جاڭاباي بەرىك، امان جۇرىڭىزدەر!

blogtime.kz