رەسەيدەگى مەترو اپاتىنا قاتىستى كۇدىكتىلەر ۇستالدى

استانا. قازاقپارات - مەترو اپاتىنا قاتىسى بار دەگەن كۇدىكپەن جول قىزمەتىنىڭ شەبەرى ۆالەري باشكاتوۆ پەن ونىڭ كومەكشىسى يۋري گوردوۆ تۇتقىندالدى.

تەرگەۋ كوميتەتىنىڭ مالىمدەۋىنشە، ولار كولىك قاۋىپسىزدىگىنىڭ تالاپتارىن بۇزعان.

اتاپ ايتساق، باشكاتوۆ پەن گوردوۆ رەلستەردى بۇرۋ تەتىگىن دۇرىس جوندەمەي، سونىڭ كەسىرىنەن اتالعان تەتىك بەكىتىلگەن نەگىزىنەن اجىراپ كەتكەن.

ءسويتىپ مەترو پويىزىنىڭ ۆاگوندارى رەلستەن شىققان. اپات سالدارىنان 23 ادام قازا تاپتى. ال ءتۇرلى جاراقات العان 130 ادام اۋرۋحانادا جاتىر. مامانداردىڭ ايتۋىنشا، ماسكەۋ مەتروسىنداعى اپات - رەسەي تاريحىندا سوڭعى 1 عاسىرعا جۋىق ۋاقىتتا بولماعان ەڭ قاسىرەتتى جاعداي. وسى وقيعادان امان قالعان مىنا تۇرعىن ءالى كۇنگە ءوز- وزىنە كەلۋدىڭ قيىن ەكەندىگىن ايتتى.

كريستينا، ماسكەۋ تۇرعىنى:

- مەن مىنگەن مەترو پويىزىنىڭ اۋدارىلعانى ەسىمە تۇسسە، دەنە-بويىم قالتىراپ كەتەدى. قوعامدىق كولىكتە ادام كوپ بولسا دا، ءوزىڭدى سونداي قاۋقارسىز سەزىنەدى ەكەنسىڭ. ەندىگارى مۇنداي اپات قايتالانباسىن.

«حابار» تەلەارناسى