اسقار جۇماعاليەۆ ح ە و جوعارى لاۋازىمدارىنا ۇمىتكەرلەرمەن كەزدەستى
سونداي- اق، باسقوسۋ بارىسىندا ح ە و (حالىقارالىق ەلەكتر بايلانىستارى وداعى) جوعارى سايلانبالى لاۋازىمدارىنا ۇمىتكەرلەرمەن ەكىجاقتى كەزدەسۋلەر وتكىزدى.
«جوعارى لاۋازىمدارعا سايلاۋ 2014 - جىلعى قازاندا پۋساندا ح ە و وكىلەتتى كونفەرەنتسياسىندا وتەدى. وعان قازاقستان رەسپۋبليكاسى اتىنان راديورەگلامەنتارلىق كوميتەتكە نۇرشابەكوۆ ريزات راحاتبەك ۇلىنىڭ كانديداتۋراسى ۇسىنىلدى» دەلىنگەن ا ب ا باسپا ءسوز قىزمەتىنىڭ حابارلاماسىندا.
بۇدان باسقا، وتىرىس بارىسىندا اقپاراتتىق قوعامدى قالىپتاستىرۋ مەن دامىتۋدا ت م د- عا قاتىسۋشى مەملەكەتتەردىڭ ىنتىماقتاستىق ستراتەگياسى جانە ونىڭ 2015 - جىلعا دەيىن ىسكە اسۋى بويىنشا ءىس- ارەكەتتەر جوسپارىنىڭ ورىندالۋى ءسوز بولدى. سونداي- اق، عالامتور جەلىسىنە ت م د- عا قاتىسۋشى مەملەكەتتەردىڭ ترانسشەكارالىق سەنىم كەڭىستىگىن قالىپتاستىرۋ؛ قاعاز جۇزىندە قۇجات تاپسىرۋ قاجەتتىلىگىنەن ارىلتاتىن ترانسشەكارالىق زاڭ بويىنشا ماڭىزدى ەلەكتروندىق قۇجات اينالىمىن ەنگىزۋ ءۇشىن كەدەن وداعىنىڭ سىرتقى جانە ءوزارا ساۋدا- ساتتىعىنىڭ اقپاراتتىق ينتەگراتسيالانعان جۇيەسىن دامىتۋ بارىسىنا ارنالعان بايانداما تىڭدالدى.
بايلانىس سالاسىنداعى وڭىرلىك ىنتىماقتاستىق بايلانىس اكىمشىلىگى كەڭەسىنىڭ كەلەسى وتىرىسى رەسەيدە، 2015 - جىلى مامىر ايىندا ۇلى جەڭىستىڭ 70 جىلدىعى قارساڭىندا وتەدى.
