استاناداعى وليمپيادا وتە جوعارى دەڭگەيدە وتۋدە - ا ق ش كومانداسىنىڭ كوشباسشىسى

استانا. قازاقپارات - استانادا ءوتىپ جاتقان فيزيكادان حالىقارالىق وليمپيادا وتە جوعارى دەڭگەيدە ۇيىمداستىرىلعان.

بۇل تۋرالى قازاقپارات تىلشىسىنە سۇحبات بەرگەن ا ق ش كومانداسىنىڭ جەتەكشىسى پول ستەنلي ايتتى.

«استانادا ءوتىپ جاتقان وليمپيادانىڭ جوعارى دەڭگەيدە ۇيىمداستىرىلعانىن ايتا الامىن. وليمپيادانىڭ تاپسىرمالارىنان باستاپ، وتكىزەتىن ورنى، مادەني ءىس-شارالارعا دەيىن بارلىعى تىڭعىلىقتى جوسپارلانعان. ءبىزدىڭ وقۋشىلار ۇيىمداستىرىلۋىن، تاماعىن، جاتىن ورىندارىن جوعارى اتاپ وتۋدە. IPho - بۇل ولاردىڭ مەرەكەسى. ولار قازاقستاندا بولعاندىقتارى ءۇشىن باقىتتى»، - دەدى ول.

ونىڭ اتاپ وتۋىنشە، بۇل وليمپياداعا قاتىسۋشىلاردىڭ بارلىعىنىڭ دا جەڭىمپاز بولۋعا مۇمكىنشىلىكتەرى مول. «قازاقستاندىق كوماندا مىقتى، ونىڭ ۇستىنە وليمپيادا ۇيلەرىندە وتۋدە. ارينە، العاشقى كۇننەن كەيىن ناتيجەلەر تۋرالى ايتۋ قيىن. تەوريالىق تۋردىڭ تاپسىرمالارى وتە قيىن بولدى. ءبىزدىڭ وقۋشىلار جاقسى دايىندالعان. دەگەنمەن ولاردىڭ جۇكتەلگەن مىندەت ۇدەسىنەن شىققان، شىقپاعانىن بىلمەيمىن. بۇل جەردە وسال وقۋشى جوق»، - دەدى پول ستەنلي.

اۆتور: مارلان جيەمباي