14:06, 16 - شىلدە 2014 | GMT +5
قاربىز تۋراپ، تۇتقىنعا ءتۇستى
استانا. قازاقپارات - ا ق ش- تىڭ كوننەكتيكۋت شتاتىنىڭ تۇرعىنى قاربىزدى اگرەسسيۆتى تۋراعانى ءۇشىن تۇتقىنعا الىندى. ونىڭ ۇستىنەن جەرگىلىكتى تۇرعىن پوليتسياعا شاعىن جازعان، دەپ حابارلادى شەتەلدىك ب ا ق.
باستاپقىدا ايەل كورشىسىنىڭ ۇستىنەن پوليتسياعا ونى قۇرال-سايمانعا ارنالعان جاشىكتە ەسىرتكى ساقتاپ وتىر دەپ ارىزدانعان كورىنەدى. وسىدان كەيىن كۇدىكتى ايەلدىڭ ۇيىنە كەلىپ، قولىنداعى قاربىزىن ءۇن-ءتۇنسىز كەسە باستاعان. ايەلدىڭ ايتۋىنشا، كورشىسى وسى ارەكەتى ارقىلى ونى قورقىتپاقشى بولعان. وسىلايشا، قاتەر ءتوندىرۋ ءارى قوعامدىق ءتارتىپتى بۇزۋ ايىبىمەن تۇتقىنعا الىنعان ازامات 500 دوللار كەپىل بەرىپ عانا بوستاندىققا شىقتى.
اۆتور: مارلان جيەمباي
