ەندى كولىك جۇرگىزىپ كەلە جاتىپ شارشاساڭىز رۋلدە وتىرىپ ۇيىقتاپ الۋىڭىزعا بولادى
مۇندا اۆتونومدى باسقارۋ جۇيەسى «Highway Pilot» دەپ اتالادى. جاڭا تەحنولوگيا جۇرگىزۋشىلەردى جولدا كولىكتىڭ ءجۇرىسىن ۇنەمى باقىلاپ وتىرۋدان قۇتقارادى. يجەنەرلەردىڭ ايتۋىنشا، اتالمىش جۇك كولىگى جول سىناعىنان ويداعىداي ءوتتى.
كولىكتە «Predictive Powertrain Control» دەپ اتالاتىن جاڭا كرۋيز- باقىلاۋ جۇيەسى بار. ول جەر بەدەرىنىڭ توپوگرافياسىن كورە الادى جانە ءدوڭ- سايدى اجىراتا بىلەدى. جاقىن قاشىقتىققا ارنالعان رادار الدىنداعى 70 مەترگە دەيىنگى اۋماقتا بولىپ جاتقان جاعدايدى تىركەسە، الىس قاشىقتىقتاعى رادار 250 مەترگە دەيىنگى اۋماقتى باقىلاي الادى.
سونىمەن قاتار، جاڭا اۆتوپيلوت جۇيەسى جولدا كولىك كەپتەلىسى نەمەسە جوندەۋ جۇمىستارى بارى- جوعىن انىقتاي الادى.
جۇك كولىگى گەرمانيانىڭ ماگدەبۋرگ قالاسى ماڭىندا سىناقتان وتكىزىلگەن. مۇندا اۆتوماتتى رەجيمدە ەڭ جوعارى جىلدامدىق 84 شاقىرىم/ساعاتتان اسپايدى. سونداي- اق، ينجەنەرلەردىڭ ايتۋىنشا، ازىرشە جۇك كولىگىنىڭ كابيناسىندا جۇرگىزۋشى بولۋى كەرەك. ويتكەنى بۇل ءالى سىناقتىق نۇسقا.
«مەرسەدەس- بەنتس» كومپانياسى باسشىلىعىنىڭ بولجاۋىنشا. 2025 - جىلعا قاراي الەمدە جۇك تاسىمالى ارتا تۇسەدى. سوندىقتان، ءوندىرۋشى كومپانيا جۇرگىزۋشىسى جوق جۇك كولىكتەرىن جاساپ شىعارۋدى قازىردەن باستاپ قولعا الۋدى كوزدەپ وتىر.
اۆتور: جاپپاربەرگەن ايبوتا
