03:31, 16 - شىلدە 2014 | GMT +5
وسكەمەندە قاتتى جاۋعان بۇرشاق سالدارىنان ترامۆاي رەلستەن شىعىپ كەتتى
وسكەمەن. قازاقپارات - وسكەمەندە قاتتى جاۋعان بۇرشاق سالدارىنان ترامۆاي رەلستەن شىعىپ كەتتى. بۇل تۋرالى «ترامۆاي پاركى» ا ق باس ديرەكتورى اناتوليي ۋسپەنسكي حابارلادى.
YK-news.kz اقپاراتىنا سۇيەنسەك، جولاۋشىلار زارداپ شەككەن جوق.
«جول قيىلىسىندا ترامۆاي قيعاشتاعان كۇيى اسفالتقا شىعىپ كەتتى... ارينە، اۋا رايىنىڭ قولايسىزدىعىنان. ناقتى سەبەپتەرىن انىقتايتىن بولامىز»، - دەدى ۋسپەنسكي.
ترامۆايدى ماماندار 15 مينۋتتىڭ ىشىندە رەلسكە قايتا شىعاردى. قوزعالىس تولىقتاي قالپىنا كەلتىرىلدى.
