جاي تۇسكەن جۇكتى ايەل امان-ەسەن بوساندى
اتاپ ايتقاندا، ءسابي ومىرگە كەلەر الدىندا بىرنەشە ساعات بۇرىن ونىڭ اناسىنا جاي تۇسكەن.
دارىگەرلەردىڭ قاۋىپتەنۋىنە قاراماستان، بالا ومىرگە دەنى ساۋ بولىپ كەلگەن. دەپ جازادى شەتەلدىك ب ا ق.
نيۋ-مەكسيكو شتاتىنىڭ ازاماتشاسى كەندرا ۆيليانۋەۆا ءوزىنىڭ كۇيەۋى يانمەن ا ق ش-تىڭ تاۋەلسىزدىك كۇنىنە ارنالعان مەرەكەلىك شارانى كورۋگە بارادى. سول كۇنى جاۋعان نوسەر كەزىندە جۇكتىلىكتىڭ سەگىزىنشى ايىنداعى كەندراعا جاي تۇسكەن.
دارىگەرلەردىڭ ايتۋىنشا، وسى وقيعادان كەيىن ءبىر ساعاتتان سوڭ ايەلدىڭ تولعاعى باستالادى. سول كۇنى كەشكە ول قىز بالانى ومىرگە اكەلدى. دارىگەرلەر نايزاعايدان كەيىن ءسابيدىڭ دەنى ساۋ بولىپ تۋعانى تاڭقالارلىق جاعداي ەكەنىن اتاپ وتۋدە.
ولاردىڭ ايتۋىنا قاراعاندا، تاريحتا جۇكتى ايەلدەرگە نايزاعاي ءتۇسۋىنىڭ 11 وقيعاسى تىركەلىپ، ونىڭ بەسەۋىندە بالالارى امان قالعان.
الايدا بالاعا نايزاعاي اسەر ەتكەن كورىنەدى. بۇگىندە نارەستە ءبىر جاسقا تولعانىمەن، ول وتىرا المايدى جانە ەڭبەكتەۋگە قاۋقارسىز. سونىمەن قاتار قىزدىڭ اس قورىتۋ جۇيەسىندە پروبلەمالار پايدا بولعان.
اۆتور: رۋسلان عابباسوۆ
