استانادا ۆەلوسيپەدتەردى جالعا بەرۋ جەلىسى ءوز جۇمىسىن باستادى

بيىل وزىق تەحنيكامەن جابدىقتالعان 200 ۆەلوسيپەدتكە ارنالعان 40 بەكەت اشىلادى.

ستانتسيالار ەسىلدىڭ سول جاعالاۋىندا ءبىر-بىرىنەن 300-500 مەتر قاشىقتىقتا ورنالاسقان.

«ءبىز ۆەلوسيپەد تەۋىپ وستىك اۋىلدا. جالپى، قازاقتىڭ قاي قارا سيراق بالاسىن الما، ونىڭ بالالىق شاعىنداعى ارمانىنىڭ ءبىرى - ۆەلوسيپەد ساتىپ الۋ، ۆەلوسيپەد تەبۋ. ال ەندى ءبىزدىڭ قالاعا كەلەتىن بولساق، قالامىز 21 - عاسىردىڭ ەڭ ادەمى، ۇزدىك قالالارىنىڭ قاتارىندا دەپ ەسەپتەيمىن. قالا ءوسىپ-وركەندەپ كەلە جاتىر»، - دەدى استانا قالاسىنىڭ اكىمى يمانعالي تاسماعامبەتوۆ.

ۆەلوسيپەدتەردە ەلەكتر ەنەرگياسىنىڭ كوزى رەتىندە كۇن باتارەيالارى قولدانىلادى. سونداي-اق، ولار ءتوزىمدى شينالارمەن، GPS جۇيەلەرىمەن جانە باسقا دا جاڭاشا قۇرالدارمەن جابدىقتالعان.

2017 - جىلعا دەيىن استانادا 1000 ۆەلوسيپەدكە ارنالعان 100 بەكەت ىسكە قوسىلماق.