استانادا ۆانداليزمنىڭ جولى كەسىلدى

استانا. قازاقپارات - استانا قالاسىنىڭ ءى ءى د جەدەل باسقارۋ ورتالىعىنىڭ قىزمەتكەرلەرى بەينەكامەرانىڭ كومەگىمەن كوپىرلەردىڭ بىرىندە ورناتىلعان شامداردى سىندىرىپ جۇرگەن ەر ادامدى انىقتادى، دەپ حابارلادى astana.kz.

جول-پاترۋلدىك پوليتسيا قىزمەتكەرلەرى وقيعا ورىنىنا جەدەل جەتىپ، ءتارتىپ بۇزۋشىنى ۇستاعان. ول 9 شامدى سىندىرىپ ۇلگەرگەن. ۇستالعان ازامات اۋماقتىق ءى ءى ب جەتكىزىلدى جانە زاڭ بويىنشا جاۋاپقا تارتىلاتىن بولادى.

بيىل قالانىڭ كەلبەتىن جاقسارتۋ ماقساتىندا 8 ميلليون گۇل مەن 6,5 مىڭعا جۋىق اعاش وتىرعىزىلدى، قورشاۋلارعا مىڭنان استام قۇمىرا ورناتىلدى. اۋدانداردا گۇلدەردەن 40 استام گەومەتريالىق پىشىندەر، اسپالى «گۇل اعاشتارى» ورناتىلسا، عيماراتتار مەن قۇرىلىستاردا دەكوراتيۆتىك كومەسكى جارىق جاسالدى.

ەلىمىزدىڭ باس شاھارى كۇن وتكەن سايىن كوركەيىپ كەلەدى. قالانىڭ شىرايىن كەلتىرۋ ءۇشىن قانشاما ادام ەڭبەك ەتەدى، مۇنى ەستەن شىعارمايىق. قالامىزعا قورعان بولايىق، دەلىنگەن حابارلامادا.