ۇلتتىق ارنا «قازاقستان داۋىسىنا» ىرىكتەۋ جۇرگىزەدى

 استانا. قازاقپارات - ءبىر جىل بويى ۇلتتىق تەلەارنا كورەرمەندەرىنىڭ كوزايىمىنا اينالعان «قازاقستان داۋىسى» جوباسى جالعاسىن تاپپاق، دەپ جازادى kaztv.kz.

 جوبا ماقساتى - ەل اراسىندا جۇرگەن ەرەكشە داۋىس يەسىن انىقتاۋ. بيىلعى جىلعى بايقاۋعا ىرىكتەۋ ەلىمىزدىڭ تەك ەكى قالاسىندا وتەدى:

27 - شىلدە كۇنى استانا قالاسى، اباي كوشەسى، 47, «Ramada Plaza» عيماراتىندا؛

6 - تامىزدا الماتى قالاسى، تولە بي كوشەسى، 296 ا، «قازاقستان داۋىسىنىڭ» ءتۇسىرىلىم الاڭىندا جۇرگىزىلەدى.

«قازاقستان داۋىسى» اتاعىنا ۇمىتكەرلەردى ەلىمىزدىڭ بەلگىلى انشىلەرى، وتكەن جوباداعى تالىمگەرلەر - مەدەۋ ارىنبايەۆ، ءمادينا ءسادۋاقاسوۆا، نۇرلان البان جانە الماس كىشكەنبايەۆ تاڭدايدى.

 ايتا كەتەيىك، «قازاقستان داۋىسى» جوباسىنىڭ العاشقى ماۋسىمىنىڭ جەڭىمپازى 27 جاستاعى شاحاريزات سەيداحمەت بولعان. ونىڭ تالىمگەرى - نۇرلان البان.

 «قازاقستان داۋىسى» جوباسى «The Voice» الەمدىك تانىمال تەلەشوۋىنىڭ بالاماسى بولىپ تابىلادى.