قوستانايلىق ازامات كەپىلدىككە ايۋ بەرىپ، قارىز العان

استانا.قازاقپارات - قوستاناي وبلىسىندا ءۇش جاسار ايۋدىڭ يەسى ىزدەستىرىلىپ جاتىر. «ينتەرفاكس» اگەنتتىگىنىڭ حابارلاۋىنشا، وسىدان ءبىر جىلدان استام ۋاقىت بۇرىن جىرتقىش اڭنىڭ قوجايىنى تانىسىنان قارىزعا اقشا الىپ، كەپىلدىك رەتىندە ايۋدى تاستاپ كەتكەن ەكەن.

سودان بەرى ءوزى ۇشتى- كۇيلى جوق دەيدى ارىزدانۋشى تاراپ.

«ەر ازامات تانىسىنان قارىزعا اقشا الىپ، قارىزدى قايتارعانعا دەيىن كەپىل رەتىندە جىرتقىش اڭدى تاستاپ كەتكەن. الايدا، وسىمەن ەكىنشى جىل قاتارىنان ونى تابۋ مۇمكىن بولماي وتىر. ايۋدىڭ ءوزى بولسا قازىر قالانىڭ سىرتىندا جاڭا قوجايىندارىمەن بىرگە تۇرىپ جاتىر» دەيدى وبلىستاعى ايماقتىق ورمان جانە اڭ شارۋاشىلىعى ينسپەكتسياسىنىڭ وكىلدەرى.

ايۋدىڭ بۇگىنگى يەلەرى وعان تور جاساپ، اس- سۋىن بەرىپ ءجۇر. جاعدايى دا جاقسى كورىنەدى. دەگەنمەن، ءۇي جانۋارى بولماعاندىقتان ونىمەن بىرگە تۇرۋ ءبارىبىر دە قولايسىزدىق تۋعىزادى دەيدى ولار. ال، تسيرككە نەمەسە زووباققا بەرەيىن دەسە ايۋدىڭ قۇجاتتارى بۇرىنعى يەسىندە قالىپ قويعان.

 «بۇرىنعى قوجايىنىن تابۋ كەرەك. تۋىستارى ارقىلى ىزدەپ كوردىك، ءبىراق ناتيجەسىز. ويىمىزشا، ول رەسەيگە كوشىپ كەتىپ قالدى. قازىر قۇقىق قورعاۋ ورگاندارىن ارالاستىرىپ جاتىرمىز. ەگەر اڭ وعان كەرەك بولماسا قۇجاتتارىن الىپ كەلىپ تاستاسىن. ءبىز ونى نە زووباققا، نە تسيرككە وتكىزەمىز» دەيدى ينسپەكتسيا وكىلدەرى.

Baq.kz