بۇگىن قىتايدىڭ ىلە-قازاق اۆتونوميالى وبلىسىندا كوكپاردان حالىقارالىق جارىس باستالادى

استانا. قازاقپارات - قىتايدا 12-17 - شىلدە كۇندەرى كوكپاردان حالىقارالىق جارىس وتكىزىلەدى.
None
None

بايراقتى باسەكەگە ق ح ر، قازاقستان رەسپۋبليكاسى، موڭعوليا حالىق رەسپۋبليكاسى، قىرعىزستان رەسپۋبليكاسىنىڭ كوماندالارى قاتىسادى دەپ كۇتىلۋدە.

بۇل كوكپار كوماندالارىنىڭ دوستىق كەزدەسۋى ىلە-قازاق اۆتونوميالى وبلىسىنىڭ قۇرىلعاندىعىنىڭ 60 جىلدىق تورقالى تويىنا ارنايى ۇيىمداستىرىلىپ وتىر.

مەرەيتويعا وراي وتەتىن كوكپار باسەكەسىمەن بىرگە، حالىقارالىق «تۇلپار» مەرەكەسى دە شىمىلدىعىن اشادى.

جارىس ىلە-قازاق اۆتونوميالى وبلىسى موڭعولكۇرە اۋدانى قاراعانتى ەلدى مەكەنىندە وتەدى. وعان قازاقستاننىڭ كوكپار كومانداسى مەن جەتەكشىلەرى كەلەسى قۇرامدا جاساقتالعان: ەرلەن وسپانوۆ - ق ر ۇلتتىق سپورت تۇرلەرى قاۋىمداستىعىنىڭ اتقارۋشى ديرەكتورى؛ رامازان ءساتتىباي - ق ر س د ش ءى ا ۇلتتىق سپورت تۇرلەرىنەن مەملەكەتتىك جاتتىقتىرۋشى؛ قۋانىشبەك قۇرامايەۆ - ق ر كوكپار قۇراما كومانداسىنىڭ جاتتىقتىرۋشىسى؛ نۇرداۋلەت مومىنوۆ (جامبىل وبلىسى)؛ قازبەك امانگەلدينوۆ (استانا قالاسى)؛ ۇلان بايتورەيەۆ، ەرمەك كوبەي، باقتىباي شىرىنقۇلوۆ، اسلانبەك سايدۋللا، نۇرجىگىت مىرزابايەۆ، داۋلەت ومبايەۆ (بارلىعى دا وڭتۇستىك قازاقستان وبلىسىنان).

باسەكە قىتايداعى قانداستارىمىزدىڭ كوكپار ەرەجەسىمەن جۇرگىزىلەدى. وعان سايكەس ءار كوكپار كومانداسىنىڭ قۇرامىندا 7 سپورتشىدان بولۋى ءتيىس، دەلىنگەن ق ر ۇلتتىق سپورت تۇرلەرى قاۋىمداستىعىنىڭ سايتىندا.

سوڭعى جاڭالىقتار