قاسىم- جومارت توقايەۆتىڭ الەمدىك ديپلوماتيا تۋرالى كىتابى جارىق كورەدى

«Reflections at the United Nations» دەگەن اتپەن باسىلاتىن كىتاپ الەمدىك ديپلوماتيا تاقىرىبىن وزەك ەتكەن.
سەنات باسپا ءسوز قىزمەتىنىڭ حابارلاۋىنشا، كىتاپتى «بۇۇ- داعى تولعانىستار» دەپ اۋدارۋعا بولادى. وعان ق. توقايەۆتىڭ 2011 - جىلعى ءساۋىر مەن 2013 - جىلعى قازان ارالىعىنداعى كەزەڭدە ب ۇ ۇ باس حاتشىسىنىڭ ورىنباسارى، ب ۇ ۇ جەنيەۆا ءبولىمىنىڭ باس ديرەكتورى، ب ۇ ۇ باس حاتشىسىنىڭ جەكە ۋاكىلى جانە قارۋسىزدانۋ جونىندەگى كونفەرەنسيانىڭ باس حاتشىسى بولعان كەزدەگى اعىلشىن، فرانسۋز، ورىس جانە قىتاي تىلدەرىندە سويلەگەن سوزدەرى مەن مالىمدەمەلەرى ەنگەن. كىتاپتا سونىمەن قاتار، اتالعان كەزەڭدەردە جاريالانعان ماقالالارى دا بار.
«قاسىم- جومارت توقايەۆ ب ۇ ۇ جەلىسى بويىنشا بارلىق شارالاردىڭ 70 پايىزىنا جۋىعى وتەتىن، جاھاندىق كونفەرەنسيالىق ورتالىق بولىپ تابىلاتىن ب ۇ ۇ- نىڭ جەنيەۆاداعى ءبولىمىن باسقارعان ازيانىڭ العاشقى وكىلى بولدى. ق. توقايەۆ ءوزىن ءتيىمدى باسقارۋشى رەتىندە كورسەتتى، ب ۇ ۇ باس حاتشىسى پان گي مۋن جانە حالىقارالىق ۇيىمداردىڭ باسشىلارى ونىڭ كەزىندە حالىقارالىق ديپلوماتياداعى دۇنيەجۇزىلىك ورتالىق رەتىندە جەنيەۆا ءوزىنىڭ ءرولىن كۇشەيتە ءتۇستى، دەپ سانايدى» ، - دەلىنگەن باسپا ءسوز بايانىندا.
ق. توقايەۆتىڭ كولەمدى (800 بەتتەن استام) ەڭبەگى ديپلوماتتار، حالىقارالىق ۇيىمداردىڭ قىزمەتكەرلەرى مەن جاس ماماندارعا زور ىقىلاس تۋعىزادى.
اۆتور: قانات مامەتقازى ۇلى