00:05, 12 - شىلدە 2014 | GMT +5
قازاقستاننىڭ جەتەكشى سپورتشىلارىنىڭ دەنساۋلىعىن عالىمدار قاداعالايتىن بولادى
استانا. قازاقپارات - قازاقستاننىڭ جەتەكشى سپورتشىلارىنىڭ بايراقتى باسەكەگە دايىندىق بارىسىنداعى دەنساۋلىعىن عالىمدار قاداعالايتىن بولادى.

بۇل تۋرالى كەشە ق ر سپورت ىستەرى جانە دەنە شىنىقتىرۋ اگەنتتىگى ءتوراعاسىنىڭ ورىنباسارى ەلسيار قاناعاتوۆ ءمالىم ەتتى.
«سپورتتىق مەديسينا ورتالىعىندا 2 ۇتقىر كەشەندى عىلىمي توپ قۇرىلعان. جەتەكشى سپورتشىلارىمىزدىڭ بەكىتىلگەن كەستەگە سايكەس دايىندىعى كەزىندە ولار ساڭلاقتارىمىزدىڭ دەنساۋلىعىنا باقىلاۋ جۇرگىزەتىن بولادى» ، - دەدى ە. قاناعاتوۆ.
وسى رەتتە ول سپورتتىق مەديسينا ورتالىعىنا بۇل باعىتتاعى جۇمىستاردى جانداندىرىپ، قۇراما كومانداعا مەديسينالىق- بيولوگيالىق تەكسەرۋ جۇرگىزۋدى تاپسىردى.
ونىڭ ايتۋىنشا، سپورت ماماندارىنىڭ كۇش- جىگەرىن توپتاستىرىپ، مەدال الۋعا قاۋقارلى سپورتشىلاردى مەديسينالىق- بيولوگيالىق ەرەكشە باقىلاۋعا الۋ قاجەت.
اۆتور: مارلان جيەمباي