18:44, 11 - شىلدە 2014 | GMT +5
يزرايلدە جاعدايدىڭ ۋشىعۋىنا وراي «استانا» مەن «حاپوەل» اراسىنداعى ماتچ قازاقستاندا وتەتىن بولدى
استانا. قازاقپارات - يزرايلدە ورىن العان ساياسي جاعدايلارعا وراي، ەۋروپا ليگاسى اياسىنداعى «استانا» مەن «حاپوەل» اراسىنداعى العاشقى ويىن تەل- اۆيۆتە ەمەس قازاقستاندا وتەتىن بولدى. بۇل تۋرالى استانالىق كلۋبتىڭ باسپا ءسوز قىزمەتى حابار تاراتتى.

بۇعان دەيىنگى جوسپار بويىنشا «استانا» ەۋروپا ليگاسىنىڭ ەكىنشى راۋندىنداعى العاشقى ويىنىن 17- شىلدە كۇنى تەل- اۆيۆتىڭ «حاپوەل» كومانداسىنا قارسى وتكىزەتىن بولعان.
«الايدا يزرايلدە قالىپتاسقان ساياسي جاعدايلارعا وراي، ۋ ە ف ا وسى جۇپتىڭ اراسىنداعى ويىندى تەل- اۆيۆتە ەمەس قازاقستاندا وتكىزۋ تۋرالى شەشىم قابىلدادى. سونىمەن قاتار، قارىمتا ماتچتىڭ وتكىزىلەتىن ورنى ازىرگە بەلگىسىز» ، - دەلىنگەن باسپا ءسوز بايانىندا.
اۆتور: قانات مامەتقازى ۇلى