ارگەنتينا پرەزيدەنتى الەم چەمپيوناتىنىڭ اقتىق سىنىن كورۋگە بارمايتىن بولدى

استانا. قازاقپارات - كريستينا فەرناندەس دە كيرشنەر برازيلياداعى الەم چەمپيوناتىنىڭ 13 - شىلدەدە وتەتىن اقتىق سىنىنا بارمايتىن بولدى.
None
None

 بۇل تۋرالى ارگەنتينا پرەزيدەنتى ءوزىنىڭ برازيليالىق ارىپتەسى ديلما روۋسسەففكە جازعان حاتىندا ءمالىم ەتتى، دەلىنگەن باسپا ءسوز قىزمەتى تاراتقان حابارلامادا.

مەملەكەت باسشىسى برازيليا پرەزيدەنتىنىڭ شاقىرۋىنا العىس ايتا كەلە، ءبىر اپتادان بەرى جۇتقىنشاقتىڭ قابىنۋىنان اۋىرىپ جۇرگەنىن جانە تولىققاندى جۇمىس ىستەۋگە قابىلەتسىز ەكەنىن اتاپ وتكەن.

 سونداي- اق كريستينا فەرناندەس دە كيرشنەر ءوز حاتىندا بۇل دەرتتىڭ ب ر ي ك س (برازيليا، رەسەي، ءۇندىستان، قىتاي، وار) سامميتىنە قاتىسۋىنا كەدەرگى بولمايتىنىن جەتكىزگەن.

القالى جيىن برازيليانىڭ فورتالەزا قالاسىندا 15-16 - شىلدەدە وتەدى.

سوڭعى جاڭالىقتار