وباما ءوزىن سوتقا بەرمەك بولعان وپپوزيتسيانىڭ ىسىنە كۇلە قارادى

استانا. قازاقپارات - ا ق ش پرەزيدەنتى باراك وباما ءوزىن سوت پروتسەسىمەن جانە يمپيچمەنتپەن قورقىتقان رەسپۋبليكالىق وپپوزيتسيانىڭ ءىسىن كەلەكە ەتتى، - دەپ حابارلايدى Tengrinews.kz ر ي ا نوۆوستي اقپارات قۇرالىنا سىلتەمە جاساپ.
None
None

تەحاس شتاتىنىڭ وستين قالاسىندا ءسوز سويلەگەن كەزىندە وباما «بالكىم مەن ولارعا جاي ۇناماي قالعان شىعارمىن» دەپ مىسقىلداعان. ا ق ش پرەزيدەنتى «ولاردىڭ كەيبىرى ونى سوتقا بەرىپ، يمپيچمەنت جاريالاۋ كەرەك» دەيدى. شىنىمەن؟ شىنىمەن بە؟ نە ءۇشىن؟ سىزدەر مەنى ءوز جۇمىسىمدى ىستەگەنىم ءۇشىن سوتقا بەرمەكسىڭدەر مە؟» دەپ كەكەسىنمەن جينالعانداردى ءبىر كۇلدىرىپ ءوتتى. «مەن ەندى قايتا سايلاۋعا تۇسپەيمىن. سوندىقتان بۇل ايتقاندارىڭا تۇكىرگەنىم بار»، - دەپ ءسوزىن جالعاعان ا ق ش پرەزيدەنتى.

كەيبىر تىڭداۋشىلار ىسقىرىق شالىپ وبامانىڭ ءسوز سويلەۋىنە كەدەرگى جاساعان. «كەشىرىڭىزدەر، نە دەپ ايعايلاپ تۇرسىڭدار؟ وتىرىڭىزدار، مەن ءسوزىمدى اياقتاپ قالدىم. سىزدەرمەن كەيىن وڭاشا سويلەسۋگە ۋادە بەرەمىن» دەگەن وباما ءوزىن قورعاۋشى قۇپيا قىزمەت اگەنتتەرىنەن لاڭ شىعارۋشىلاردى زالدان قۋىپ شىقپاۋدى سۇراعان. سونان سوڭ پرەزيدەنت 2013 - جىلدىڭ قازانىندا مەملەكەتتىك قارىز شەگىن كوتەرۋگە قارسى شىعىپ، دەفولتپەن قورقىتىپ، فەدەرالدى بيلىكتى قارجىسىز قالدىرعانى ءۇشىن تاعى دا رەسپۋبليكالىق وپپوزيتسياعا شۇيلىكتى.

ەستەرىڭىزگە سالا كەتسەك، رەسپۋبليكالىق پارتيا وكىلى دجون بەينەر وكىلەتتىلىگىن اسىرا پايدالاندى دەپ وبامانى سوتقا بەرەتىنىن مالىمدەگەن بولاتىن. رەسپۋبليكالىقتار وبامانى «قولىنداعى بيلىكتى پايدالانىپ ءوز ساياساتىن جۇرگىزىپ وتىر» دەپ ايىپتاعان. الايدا ا ق ش پرەزيدەنتى مۇنىڭ مۇلدە ولاي ەمەس ەكەنىن ايتادى. ول ءوزىنىڭ سوڭعى 100 جىلدا بولعان پرەزيدەنتتەر اراسىندا ەڭ از قاۋلى شىعارعان پرەزيدەنت ەكەنىن العا تارتتى.

 

سوڭعى جاڭالىقتار