جەزقازعاندا مەملەكەتتىك قىزمەتكەر پارانى سوعىممەن الدى

رەسمي اقپاراتقا سايكەس، وتكەن ايدا وبلىستىڭ ەكى تۇرعىنى قارجى پوليتسياسىنا كەلىپ، ج. ەسىمدى ازاماتتىڭ ۇستىنەن ارىز ءتۇسىردى. بۇرىن ول جەزقازعان قالاسى بويىنشا سالىق باسقارماسىندا جەكە تۇلعالاردىڭ سالىق ەسەبىن قابىلداۋ مەن تالداۋ ءبولىمىنىڭ جەتەكشى مامانى بولىپ جۇمىس ىستەگەن. ارىز بەرۋشىلەردىڭ ايتۋىنشا، ولار مەملەكەتتىك قىزمەتكەر ارقىلى ءۇش جىل بويى كولىك سالىعىن تولەۋ ماسەلەسىن شەشىپ كەلگەن.
وسى ۋاقىتتىڭ ىشىندە سالىق باسقارماسىنىڭ مامانى 330 مىڭ تەڭگە جانە جىلقىنىڭ ءبىر تۋشاسىن سوعىم رەتىندە الدى. ال سول پارانىڭ ورنىنا سالىق بويىنشا ەشبىر قارىزدىڭ جوقتىعى تۋرالى انىقتامالاردى بەرىپ وتىرعان. الايدا ول قۇجاتتاردىڭ بارلىعى جالعان بولىپ شىقتى. ارىز بەرۋشىلەردىڭ بىرەۋىنە كولىك سالىعى بويىنشا قارىز بار دەگەن ەسكەرتۋ، ال ەكىنشىسىنە سوتقا شاقىرۋ قاعازى كەلگەننەن كەيىن ولار قارجى پوليتسياسىنىڭ كومەگىنە جۇگىنۋدى ءجون كوردى. پاراقور قىزمەتكەر بولسا، جىلدىڭ باسىندا باسقا مەملەكەتتىك قىزمەتكە اۋىسىپ ۇلگەردى. 50 مىڭ تەڭگە كولەمىندەگى اقشانى قايتارام دەگەن كەزدە ول قارجى پوليتسەيلەرىنىڭ قولىنا ءتۇستى.
بۇگىندە ج. ەسىمدى ازامات الاياقتىق جانە پارا العانى ءۇشىن ايىپتالىپ وتىر. ازىرشە، ول ايىپپۇل تولەپ، بوستاندىقتا ءجۇر.