قىتايداعى قانداستارىمىز الەمدەگى ەڭ ۇلكەن دومبىرا جاسادى

ق ح ر قۇلجا اۋدانىندا تۇراتىن اعايىندى دومبىرا جاساۋ شەبەرلەرى باقىتنۇر ارەنعازى ۇلى مەن ءىنىسى باقىتكەلدى ارەنعازى ۇلى ۇزىندىعى 7,5 مەتر، شاناعىنىڭ كەڭدىگى 1,8 مەتر كەلەتىن الىپ دومبىرانى جاساپ شىققان. اعايىندى ارەنعازى ۇلدارى قازاقتىڭ دومبىراسىن جاساۋدان قىتاي ەلىنە تانىمال ازاماتتار ەكەن.
ولارعا «قازاقتىڭ ۇلتتىق مادەنيەتىنىڭ مۇراگەرلەرى» دەگەن اتاق تا بەرىلگەن. الىس-جاقىنعا تانىمال اباي جانە جامبىل دومبىرالارىن ويىپ جاساۋدىڭ شەبەرلەرى «قوس دومبىرالى شاڭىراق»، «قوندىرعىلى دومبىرا» ونەر تۋىندىلارى قىتاي مەملەكەتىنىڭ ەڭ ۇزدىك تۋريستىك مۋزىكا كادەسىيى بولىپ باعالانعان. بۇل الىپ دومبىرا قىتايداعى قازاقتار ءجيى قونىستانعان ىلە قازاق اۆتونوميالى وبلىسىنىڭ قۇرىلعانىنا 60 جىل تولۋىنا وراي دۇنيەگە كەلگەن.
الىپ دومبىرا الدىندا «قارا جورعا» بيلەگەن جاس بۇلدىرشىندەر:
دايىنداعان: مەيىرجان اۋەلحان ۇلى