11:52, 11 - شىلدە 2014 | GMT +5
گەرمانيا ا ق ش-تىڭ ديپلوماتىن ەلدەن شىعارماق
استانا. قازاقپارات - گەرمانيا بيلىگى ا ق ش-تىڭ بەرليندەگى ەلشىلىگىندەگى امەريكالىق بارلاۋ قىزمەتىنىڭ وكىلىن ەلدەن شىعاراتىن بولدى.

گەرمانيا ۇكىمەتىنىڭ باسپا ءسوز حاتشىسى شتەففەن زايبەرتتىڭ مالىمدەۋىنشە، ا ق ش ورتالىق بارلاۋ باسقارماسىنىڭ (ت س ر ۋ) وكىلى بەرليندە تىڭشىلىق جاساعان.
گەرمانيا ەكىنشى دۇنيەجۇزىلىك سوعىس اياقتالعالى بەرى ا ق ش ديپلوماتىن ەلدەن قۋىپ كورمەگەن ەدى. بۇل وقيعاعا قاتىستى گەرمانيا كانتسلەرى انگەلا مەركەل «ءوزارا سەنىم وداقتاس ەلدەر اراسىنداعى باستى فاكتور ەكەنىن» مالىمدەگەن.
وتكەن اپتادا گەرمانيادا گەرمانيالىق بارلاۋ قىزمەتىنىڭ قىزمەتكەرى «ا ق ش ارنايى قىزمەتىنە 218 قۇپيا قۇجاتتى بەردى» دەگەن كۇدىكپەن ۇستالعان ەدى. پوليتسيا بۇعان قوسا «امەريكالىق اگەنتپەن كەزدەستى» دەگەن كۇدىككە ىلىنگەن قورعانىس ميينسترلىگىنىڭ ساياسي كەڭەسشىسىنە قاتىستى ءىستى تەرگەۋ بارىسىندا بەرليندەگى قورعانىس مينيسترلىگىنىڭ عيماراتىن تىنتكەن.