گەرمانيانىڭ ءاربىر گولىنا تەگىن ىشىمدىك بەرۋگە ۋادە بەرگەن كاسىپكەر بانكروت بولدى

استانا. قازاقپارات - ميۋنحەن قالاسىنداعى ءدامحانا يەسى گەرمانيا قۇراماسىنىڭ برازيلياعا سوققان ءاربىر گولى ءۇشىن كەلۋشىلەرگە شناپس سپيرتتىك ىشىمدىگىن تەگىن تاراتۋعا ۋادە بەرگەن. ويىننىڭ 7:1 ەسەبىمەن اياقتالاتىنىن بولجاماسا كەرەك، كاسىپكەر ماتچ بولعان ءتۇننىڭ ەرتەسىنە- اق بانكروت بولعانىن مالىمدەدى.

ءدامحانا يەسى «ەكى گول سوققاننان كەيىن قويا سالسا، بولماس پا ەدى؟» دەپ، كوز جاسىنا ەرىك بەرىپ وتىر.

ول ماتچ باستالماستان بۇرىن ءتيىمدى ماركەتينگتىك قادام جاسايمىن دەپ جوسپارلاعان ەكەن. الايدا سۇيىكتى فۋتبول كومانداسى ونىڭ جوسپارىمەن بىرگە بيزنەسىنىڭ دە تۇگىن قالدىرمادى. گەرمانيانىڭ جەڭىسى تەك اتالعان كاسىپكەرگە اۋىر سوققى بولعان جوق. ونىڭ ءدامحاناسىنان تەگىن شناپس ىشكەن 200 نەمىس ازاماتتىڭ 60 ى ۋلانىپ، اۋرۋحاناعا تۇسكەن.

24.kz