قازاقستاندا ەلەكتروندى ۆيزا ەنگىزىلەدى - ر. جوشىبايەۆ

 استانا. قازاقپارات - تاياۋ ارالىقتا قازاقستاندا ەلەكتروندى ۆيزا بەرۋ قولعا الىنادى. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىبايەۆ ءمالىم ەتتى.

«ءبىز بارلىعى ەلەكتروندى فورماتقا كوشىرىلگەن كورشىلەرىمىزدىڭ جانە الەمدىك قوعامداستىقتىڭ تاجىريبەسىنە تىڭعىلىقتى ساراپتاما جاسادىق. ەلەكتروندى ۆيزانىڭ قالاي جۇمىس ىستەيتىندىگىن، شەكارادان ەلەكتروندى ءوتۋ جۇيەسىن جەتە بىلە تۇستىك» ، - دەدى س ءى م وكىلى.

ر. جوشىبايەۆتىڭ ايتۋىنشا، قازاقستاندىق ۆيزانى شەتەلدىكتەر ونلاين تارتىبىمەن ۆيزا رەجىمى جونىندەگى تالاپ پاراعىن تولتىرۋ ارقىلى الادى. جاۋاپ قىسقا ۋاقىتتىڭ ىشىندە ءوتىنىم بەرۋشىنىڭ قولىنا تيەدى. ال ۆيزانىڭ ءوزىن قازاقستانعا كىرەبەرىس شەكارادا الادى.

سىرتقى ىستەر ءبىرىنشى ۆيتسە- ءمينيستردىڭ اتاپ وتۋىنشە، قازىرگى ۋاقىتتا س ءى م جارتى جىلدىڭ ىشىندە وسىنداي جۇيەنى ورناتۋعا قاۋقارلى كومپانيالارمەن كەلىسسوزدەر جۇرگىزۋدە.

اۆتور: مارلان جيەمباي