ەكى جاسار ءسابي دالادا يتپەن بىرگە تۇنەپ شىقتى

وقيعا كەشكى ساعات 21:30 مينۋت شاماسىندا شۋچە قالاسىندا ورىن العان. ءۇش ساعات بويى بالاسىن ىزدەپ تابا الماي امالى تاۋسىلعان 37 جاسار قالا تۇرعىنى تۇنگى ساعات 00:25 شاماسىندا اۋداندىق ءى ءى ب كەزەكشىلىك بولىمىنە حابارلاعان. ونىڭ ايتۋىنشا، بالانىڭ اناسى ءۇي ماڭىنداعى شارۋاشىلىقپەن اينالىسىپ جۇرگەن كەزدە، قورشاۋ ىشىندە ويناپ جۇرگەن ءسابي تىسقا شىعىپ كوزدەن عايىپ بولعان. ونىڭ سىرتقا شىققانىن اناسى دا بايقاماي قالعان كورىنەدى.
ناتيجەسىندە بالاسىن وزدەرى ىزدەپ كورمەك بولعان اتا-انانىڭ ارەكەتىنەن تۇك شىقپاي پوليتسيانىڭ كومەگىنە جۇگىنۋگە ءماجبۇر بولعان. ءسويتىپ بۋراباي اۋداندىق ءى ءى ب جەكە قۇرامى اياعىنان تىك تۇرىپ، ءتۇنى بويى بالانى ىزدەپ، تاڭعى 06:00 شاماسىندا ۇيدەن 500 مەتر قاشىقتىقتا وتىرعىزىلعان ورمان ىشىنەن ءيتتى قۇشاقتاپ جاتقان جەرىنەن تاپتى. ابىروي بولعاندا، بالا ءدىن امان.
اۆتور: اسلان وسپانوۆ