يرانداعى قازاقتار «قازاقپارات» سايتىنىڭ اراب قارپىندەگى نۇسقاسىنىڭ تۇراقتى وقىرمانى - يران ەلشىسى

استانا. قازاقپارات - «قازاقپارات» حالىقارالىق اقپاراتتىق اگەنتتىگى يسلام يران رەسپۋبليكاسىنىڭ سىرتقى ساياسي ۆەدومستۆوسى مەن وسى ەلدەگى قازاق دياسپوراسى ءۇشىن نەگىزگى اقپارات كوزى بولىپ وتىر.
None
None

بۇل تۋرالى بۇگىن «قازاقپارات» باسشىلىعىمەن كەزدەسكەن قازاقستانداعى يران ەلشىلىگىنىڭ ءبىرىنشى حاتشىسى حاسسان كاررابي ءمالىم ەتتى.

 «قازاقپارات يران سىرتقى ىستەر مينيسترلىگى ءۇشىن قازاقستان مەن ورتالىق ازيا ەلدەرىندەگى وقيعالار جايىندا اقپارات الاتىن نەگىزگى دەرەككوز بولىپ وتىر. ولار - سايتتىڭ قازاق، ورىس جانە اعىلشىن نۇسقالارى. ءبىزدىڭ ەلىمىزدەگى پارسى ءتىلىن مەڭگەرىپ، توتە جازۋدى پايدالاناتىن قازاق دياسپوراسىنىڭ بىرنەشە مىڭداعان وكىلدەرى سىزدەردىڭ سايتتارىڭىزدىڭ اراب قارپىندەگى نۇسقاسىن تۇراقتى وقيدى» ، - دەدى ول.

 سونىمەن قاتار ديپلومات يرانداعى قازاق دياسپوراسىنىڭ وتە ءبىلىمدى ءارى ءتۇرلى سالالاردا جوعارى جەتىستىكتەرگە قول جەتكىزەتىندىگىن باسا ايتتى.

ح. كاررابي قازاقستان- يران قارىم- قاتىناستارىنىڭ ساياسي، ەكونوميكالىق جانە مادەني- گۋمانيتارلىق سالالارداعى نەگىزگى اسپەكتىلەرىنە توقتالدى جانە «قازاقپارات» ح ا ا باسشىلىعىنا يران تارابىنىڭ اعىمداعى جىلدىڭ قازانىندا تەھراندا وتەتىن حالىقارالىق باسپا جانە اقپارات اگەنتتىكتەرى كورمەسىنە شاقىرۋىن تابىستادى.

«قازاقپارات» ح ا ا باس ديرەكتورىنىڭ ورىنباسارى قالامقاس ءابۋوۆا ديپلوماتتىڭ ساۋالدارىنا جاۋاپ بەرە كەلە، اگەنتتىكتىڭ قىزمەتى جايىندا اڭگىمەلەپ بەردى. «اعىمداعى جىلدىڭ ماۋسىمىندا ءبىزدىڭ سايتىمىزعا كىرۋشىلەردىڭ سانى 4,8 ميلليوندى قۇرادى. ونىڭ شامامەن 28-30 پايىزى - سايتتىڭ اراب قارپىندەگى نۇسقاسىنا كىرۋشىلەر» ، - دەدى ق. ءابۋوۆا.

ەستەرىڭىزگە سالا كەتەيىك، قازاقپارات يراننىڭ «ي ر ن ا» («ИРНА») مەملەكەتتىك اقپارات اگەنتتىگىمەن سەرىكتەس بولىپ تابىلادى.

اۆتور: مارلان جيەمباي

سوڭعى جاڭالىقتار